Gazetari Elton Tozaj ka bërë publike dëshmi të reja që, sipas tij, vijnë nga bisedat e vajzës së kompozitorit Adi Hila. Tozaj është i njëjti gazetar që nxori në dritë skandalin e videove intime të realizuara nga kompozitori në studion e tij me disa personazhe të njohura të showbiz-it shqiptar.
Në një postim në rrjetet sociale, Tozaj pretendon se bisedat e vajzës lidhen me mbështetjen që ajo i jep publikisht të atit. Sipas gazetarit, arsyeja e kësaj mbështetjeje është e thjeshtë dhe del nga vetë fjalët e saj: “Për sa kohë na mban me lekë, ne e mbështesim.”
Skandali që tronditi showbiz-in
Rasti i Adi Hilës ka qenë një nga temat më të diskutuara të ditëve të fundit në Shqipëri. Publikimi i videove intime, të cilat sipas gazetarit u realizuan në studion e kompozitorit, ka ngjallur reagime të shumta.
Bisedat e reja të zbardhura nga Tozaj i shtojnë një dimension tjetër kësaj historie, duke e zhvendosur vëmendjen edhe te familja e kompozitorit dhe te qëndrimi i saj ndaj skandalit.
