Një ngjarje alarmante raportohet gjatë protestës në Bulevardin e Tiranës, ku një qytetar dyshohet se është goditur me shkop gome në kokë nga efektivë të Policisë.
Sipas raportimeve nga vendngjarja, qytetari ka humbur ndjenjat pas goditjeve dhe është transportuar me ambulancë drejt spitalit. Gjendja e tij përshkruhet si shumë e rëndë, ndërsa deri më tani nuk ka informacion të konfirmuar mbi ecurinë e tij shëndetësore.
Ambulanca mbërriti pas rreth 10 minutash, sipas dëshmive nga vendngjarja, duke shtuar shqetësimin mes personave të pranishëm.
Ngjarja ka shkaktuar alarm dhe zemërim te protestuesit, ndërsa ngrihen pikëpyetje serioze mbi përdorimin e forcës nga policia dhe reagimin e shërbimeve të urgjencës.
Pamjet dhe dëshmitë nga vendngjarja pritet të hedhin më shumë dritë mbi rrethanat e incidentit.
