Një video që po qarkullon në rrjetet sociale ka tërhequr vëmendjen, pasi shfaq një efektiv policie brenda një dyqani të dëmtuar gjatë protestave në Tiranë.
Në pamje, efektivi shihet pranë rafteve të dyqanit, ndërsa në dysheme ka produkte të shpërndara. Sipas pretendimit që shoqëron videon, ai ka marrë produkte Molto për t’i ngrënë.
Pamjet kanë nxitur reagime në rrjetet sociale, ndërsa rrethanat e plota të episodit mbeten për t’u sqaruar.
Videoja po shpërndahet me shpejtësi në rrjet, ndërsa pritet të shihet nëse do të ketë një reagim zyrtar për atë që shfaqet në pamje.
