“I detyrohem tanit të Topit”, doktori Gent Pjetri ka bërë një rrëfim të ndjerë gjatë një interviste së fundmi, ku ka folur për jetën personale, karrierën dhe zhgënjimet që ka përjetuar ndër vite.
Ai u shpreh se Tanit Topi ka qenë një vizionar dhe drejtues i jashtëzakonshëm, duke theksuar se shumë nga arritjet e tij në media lidhen pikërisht me mbështetjen që ka marrë prej tij.
Në intervistë, Gent Pjetri foli edhe për momentet më të vështira të jetës, duke treguar se shumë miq e braktisën pas largimit nga media, madje disa nuk i shkuan as për ngushëllim kur humbi të atin.
Jo vetëm kaq, ai komentoi edhe për televizionin shqiptar dhe reality show-t më të ndjekur, duke përmendur “Big Brother” dhe “Ferma VIP”, për të cilat tha se shpesh kanë “mashtrime të mëdha”.
Në fund, doktori ndau edhe fjalë shumë të mira për Moza Ahmetin, duke e cilësuar si “njeri të mrekullueshëm”.
