Tensionet në “Ferma VIP” nuk po ndalen dhe këtë herë kanë kaluar përtej mureve të fermës, duke përfshirë edhe figura të tjera publike.
Pas sulmeve dhe kritikave të vazhdueshme nga banorët ndaj Mimoza Ahmeti, ka ardhur një reagim i fortë nga Akili, i cili ka zgjedhur të dalë hapur në mbrojtje të saj.
Përmes një postimi në Instagram, ai ka ndarë një meme ku shfaqet Ahmeti, duke e shoqëruar me një mesazh që nuk lë vend për interpretime.
“@mimozaahmeti_official Moza e zemrës 🤍 t’ka ra me u marr me fëmij të llastum”, shkruan ai, duke thumbuar hapur banorët e tjerë të fermës.
Reagimi i tij është përhapur menjëherë në rrjet, duke ndezur edhe më shumë debatin mes ndjekësve.
Ndërsa një pjesë e publikut e mbështet këtë qëndrim, të tjerë e shohin si një përfshirje të panevojshme në një konflikt që tashmë ka dalë jashtë kontrollit.
E sigurt është vetëm një gjë: drama rreth Mimoza Ahmetit po bëhet gjithnjë e më e madhe — dhe duket se nuk ka ndërmend të ndalet këtu.
