Segmenti rrugor hyrës në Ksamil është drejt përfundimit në respektim të standardeve të sigurisë rrugore.
Përmes një postimi në rrjetet sociale, kryeministri Rama thotë se po mbarojnë edhe trotuaret e korsitë e biçikletave.
Kjo do të lehtësojë trafikun dhe kursejë kohë për udhëtarët apo turistët që do të zgjedhin të shijojnë Shqipërinë.
“Vijon puna në kantierin e rrugës së Ksamilit, i cili po ecën me ritme të mira dhe segmenti hyrës është drejt përfundimit sipas të gjitha standardeve të sigurisë rrugore. Shumë shpejt përfundojnë edhe trotuaret dhe korsitë e biçikletave, duke lehtësuar trafikun para sezonit turistik, duke reduktuar edhe kohën e udhëtimit”, shkruan Rama.
