Në një rrëfim tepër emocional që ka prekur mijëra njerëz në rrjet, Gjesti ka folur hapur për dhimbjen më të madhe të jetës së tij: humbjen e vëllait.
Mes emocionesh dhe lotësh, ai tregoi se ajo ngjarje e ka ndryshuar përgjithmonë dhe se edhe sot vazhdon të vuajë nga ankthi.
“Jam i thyer në 2000 copa… humbja e vëllait më ndryshoi jetën. Paratë nuk të bëjnë të lumtur,” shprehet ai në video.
Deklarata e tij ka prekur ndjekësit, të cilët kanë shpërndarë masivisht videon dhe kanë reaguar me komente mbështetëse. Gjesti tha gjithashtu se gjen paqe vetëm duke besuar se vëllai i tij “është në një vend të sigurt”.
Videoja po bën xhiron e rrjetit dhe shumë persona e kanë cilësuar si një nga rrëfimet më të ndjera dhe më njerëzore të tij deri më sot.
