Situata në Lindjen e Mesme po tensionohet ndjeshëm, pasi televizioni izraelit Channel 13 ka nisur një transmetim LIVE me numërim mbrapsht për afatin e vendosur nga Donald Trump ndaj Iranit.
Në ekran është shfaqur një kronometër që tregon se kanë mbetur rreth 8 orë deri në përfundimin e afatit, moment që pritet të shoqërohet me një vendim apo lëvizje të rëndësishme nga ana e Trump.
Në studio, analistë dhe ekspertë po komentojnë çdo zhvillim në kohë reale, ndërsa tensioni rritet minutë pas minute. Ky veprim ka tërhequr vëmendjen globale, duke sinjalizuar se situata mund të përshkallëzohet në çdo moment.
A do të ketë një reagim të fortë apo një kthesë të papritur? Orët në vijim pritet të jenë vendimtare.
