Presidenti Bajram Begaj, ka reaguar pas aksidentit të rëndë të ndodhur në Durrës, ku humbën jetën dy fëmijë dhe një tjetër u plagos rëndë.
Ai shprehet i tronditur nga ngjarja dhe kërkon hetim të plotë për rrethanat, si dhe masa për rritjen e sigurisë në qarkullim.
Aksidenti ndodhi mesditën e sotme në zonën e ish-Kënetës në Durrës, ku tre fëmijë po luanin në trotuar kur u përplasën nga një automjet.
Dy prej tyre humbën jetën në vend, ndërsa një tjetër u dërgua drejt Traumës në gjendje të rëndë.
Presidenti shpreh ngushëllime për familjet e viktimave dhe uron shërim për fëmijën e plagosur, duke e cilësuar jetën dhe sigurinë e qytetarëve si të shenjtë.
