Një tjetër tentativë për futjen e sendeve të ndaluara është zbuluar nga policia e burgjeve në Burgun e Rrogozhinës.
Sipas njoftimit, një grua që kishte shkuar për të takuar bashkëshortin e saj të dënuar është kapur me një telefon celular, i cili dyshohet se do t’i dorëzohej atij gjatë vizitës.
Autoritetet bëjnë me dije se ajo e kishte fshehur pajisjen në pjesën e pasme të pulpës, të mbështjellë me fasho farmaceutike, në përpjekje për të shmangur kontrollin.
Pas zbulimit, takimi është ndërprerë menjëherë, telefoni është sekuestruar dhe rasti i është referuar organeve përkatëse për vijimin e hetimeve.
