Deklaratat e artistit Robert Aliaj kanë ndezur debat në rrjet, pasi ai ka komentuar publikisht pjesëmarrjen e poetes Mimoza Ahmeti në “Ferma VIP”. Gjatë një interviste, Aliaj është shprehur kritik ndaj këtij vendimi, duke theksuar se ajo është shitur për lekë.
“Të jesh poet nuk është kusht se je intelektual. Këtë duhet ta ndajmë! Intelektualët nuk bëjnë kompromise me vulgaritetin. Intelektuali është një zgjedhje në jetë, është si të thuash ADN-ja jote! Nuk bën dot se duan të tjerët të bëhesh si të tjerët. Aty dallohet një intelektual! Nuk duhet të jetë pjesë e llumit. Për mua nuk shkon një njeri që ka ndërtuar diçka në publik që të shitesh për lekë”, tha ai.
Komentet e tij vijnë në një moment kur Mimoza Ahmeti është bërë pjesë e kastit të “Ferma VIP”, duke rikthyer në vëmendje figurën e saj publike dhe duke ndarë opinionin mes ndjekësve. Ndërsa disa e shohin si një zgjedhje personale dhe profesionale, të tjerë e konsiderojnë si një devijim nga profili i saj artistik.
