Një video e publikuar në rrjetet sociale ka shkaktuar reagime të shumta, pasi në të shfaqen disa persona duke larguar me forcë një protestues gjatë tensioneve të krijuara në zonën e Zvërnecit.
Pamjet, të cilat po qarkullojnë gjerësisht online, tregojnë momentin kur një person tërhiqet zvarrë në një rrugë të paasfaltuar, ndërsa në rrjet kanë nisur debatet mbi identitetin e personave të përfshirë dhe rrethanat e ngjarjes.
Postimi që ka shpërndarë videon pretendon se bëhet fjalë për protestat kundër rrethimit të një zone në Zvërnec, por deri më tani nuk ka një konfirmim zyrtar për pretendimet e bëra në rrjetet sociale.
Ngjarja ka nxitur reagime të shumta nga qytetarët, të cilët kërkojnë sqarime mbi atë që ka ndodhur në terren dhe mbi mënyrën se si është trajtuar protestuesi.
Shikoni videon që po bën xhiron e rrjetit dhe gjykoni vetë momentin që ka ndezur polemika të forta online.
