Shoferi i linjës së autobusit Përmet-Korçë është gjobitur me 500 mijë lekë, pse ka blerë 10 bukë në Korçë dhe i ka lënë në Leskovik.
Kjo, pasi sipas Task Forcës, bukët kanë qenë pa kupon tatimor.
Denoncimi vjen nga gazetari Xhensil Shkëmbi.
“E bëri TaskForca punën e vet në juglindje. Do bëjmë shtet apo jo?
Sapo gjobitën me 500 mijë lekë një shofer fugoni, sepse kishte blerë 10 bukë në Korçë e po i çonte Leskovik.
E merr TaskForcën një pronar furre buke nga Leskoviku dhe spiunon shoferin e linjës.
I ke pa kupon tatimor dhe nuk lejohet të transportosh bukë, vetëm njerëz – i kishin thënë
Po mirë o t’ia bëjnë. Sa budallenj e këta. Po bli o bukë në Leskovik, ç’të duhet buka e zezë e Korçës?”, shkruan gazetari.
