Struktura e Posaçme Kundër Korrupsionit dhe Krimit të Organizuar (SPAK) ka kërkuar dënimin me 1 vit e 6 muaj burg për kryebashkiaken e Rroskovec, Majlinda Bufi, për akuzën e “përdorimit të funksionit publik për veprimtari politike ose zgjedhore”.
Gazetarja Klodiana Lala raporton për BakanWeb se, për shkak të gjykimit të shkurtuar, dënimi i kërkuar është ulur në 1 vit burg.
SPAK ka propozuar gjithashtu që dënimi të pezullohet dhe Bufi të qëndrojë në Shërbim Prove për 2 vjet, duke e bërë të mundur që ajo të mos shkojë menjëherë në burg.
Çështja lidhet me pretendime se kryebashkiakja ka përdorur resurse dhe funksione publike për qëllime politike gjatë periudhës zgjedhore.
