Për të dytin vit radhazi, Italia nuk i dha asnjë pikë Shqipërisë në Eurovision, gjë që ka sjellë reagime të shumta në rrjetet sociale. Shumë fansa shqiptarë janë shprehur të habitur me votimin italian, ndërsa nuk kanë munguar as ironitë dhe komentet ndaj këtij vendimi.
Ajo që ka surprizuar më shumë ishte fakti se 12 pikët e vetme për Shqipërinë erdhën nga Portugalia, një votë që pak kush e priste para finales.
Në rrjet, postime dhe meme të shumta po qarkullojnë lidhur me raportin e votave mes Shqipërisë dhe Italisë, duke e kthyer këtë moment në një nga më të komentuarit pas finales së Eurovisionit.
