Një moment që po bën xhiron e rrjeteve sociale është regjistruar gjatë protestës së mbajtur në Tiranë, ku protestues të revoltuar kanë qëlluar me shishe uji drejt ekranit gjigant ku po transmetohej kryeministri Edi Rama.
Pamjet tregojnë qartë se sapo në monitor shfaqet Rama duke mbajtur fjalimin e tij, nga turma nisin të hidhen shishe uji në drejtim të ekranit, ndërsa dëgjohen thirrje kundër qeverisë. Skena është pritur me brohoritje nga një pjesë e protestuesve, duke e kthyer momentin në një nga episodet më të komentuara të protestës.
Videoja është bërë virale brenda pak minutash, duke mbledhur mijëra reagime dhe komente. Për shumë qytetarë, veprimi u pa si një shprehje simbolike e pakënaqësisë ndaj qeverisë, ndërsa të tjerë e konsideruan si një shenjë të tensioneve që po rriten në klimën politike të vendit.
Ndërkohë, protesta vijoi me thirrje të forta kundër qeverisë dhe kërkesa për ndryshim, ndërsa episodi me monitorin mbetet një nga imazhet më të forta të mbrëmjes.
