Një nga momentet më të papritura të këtij edicioni ndodhi mbrëmjen e sotme, teksa Mateo u eleminua nga gara duke u renditur në vendin e tretë. Një rezultat që askush nuk e kishte parashikuar, sidomos duke parë mbështetjen masive që ai kishte jashtë shtëpisë.
Sapo u shpall rezultati, në studio u krijua një atmosferë e fortë emocionesh. Brikena nuk e fshehu habinë dhe tronditjen, ndërsa reagimi i saj u bë menjëherë viral në rrjet, duke lënë të kuptohet se edhe ajo priste që Mateo të shkonte deri në finale të madhe.
Nga ana tjetër, Arbër Hajdari u shfaq i rezervuar, por gjithsesi i surprizuar nga ky vendim, duke theksuar indirekt se gara këtë vit ka qenë ndër më të fortat dhe më të paparashikueshmet.
Në rrjetet sociale kanë shpërthyer reagimet, ku një pjesë e madhe e publikut e konsiderojnë këtë eleminim si të padrejtë, ndërsa të tjerë e shohin si një kthesë të fortë të lojës.
