Ervin Salianji ka reaguar pas fitores së opozitës në zgjedhjet në Hungaria, të udhëhequr nga Péter Magyar.
Në një postim në Facebook, ai e sheh këtë rezultat si një shembull që, sipas tij, tregon se pushtetet e forta mund të ndryshohen përmes votës.
Ai e përshkruan rastin e Hungarisë si një realitet që i ngjan edhe situatës politike në Shqipëri.
Salianji shkruan se për vite me radhë pushteti i Viktor Orbán dukej i paprekshëm, me zgjedhje të kontestuara dhe ndikim të madh në media dhe ekonomi. Sipas tij, ndryshe nga ajo që ndodh shpesh në Shqipëri, opozita në Hungari arriti të ndryshojë qasje.
Ai përmend se opozita u riorganizua, zgjodhi një lider të ri dhe arriti të mobilizojë mbështetje të gjerë nga qytetarët. Në këtë mënyrë, sipas tij, erdhi edhe ndryshimi politik.
Në mesazhin e tij, Salianji lidh këtë zhvillim me situatën në vend dhe thotë se ndryshimi kërkon angazhim dhe përballje me sistemin.
Ai shton se kjo është arsyeja pse, sipas tij, ka nisur një lëvizje për ndryshim brenda Partisë Demokratike.
Në fund, ai e mbyll me idenë se asnjë pushtet nuk është më i fortë se qytetarët kur bashkohen dhe e sheh rezultatin në Hungari si një shembull që mund të ndiqet edhe në Shqipëri.
POSTIMI I ISH-DEPUTETIT DEMOKRAT, ERVIN SALIANJI:
