Një video nga emisioni “Portokalli” në Top Channel ka shkaktuar reagime të forta në rrjetet sociale, pas publikimit të disa pamjeve që janë konsideruar shqetësuese për trajtimin e kafshëve.
Organizata për mbrojtjen e kafshëve ka reaguar publikisht, duke e cilësuar skenën si të papranueshme dhe të dhimbshme për publikun. Sipas tyre, në një moment të emisionit është përdorur një lepur si pjesë e skeçit, ku ai është tërhequr në mënyrë të ashpër, duke ngritur shqetësime për mirëqenien e tij.
Në reagim theksohet se:
Veshët e lepurit janë shumë të ndjeshëm dhe të mbushur me nerva Tërheqja në atë mënyrë mund të shkaktojë dhimbje të forta dhe dëmtime serioze Mbajtja dhe lëvizja e tij në ajër mund të rrezikojë edhe shtyllën kurrizore
Organizata shton se kafshët janë qenie me ndjenja dhe përjetojnë dhimbje dhe stres, njësoj si njerëzit, duke e cilësuar këtë skenë si një shembull negativ që nuk duhet të transmetohet në televizion.
Më tej, ata kërkojnë:
Heqjen e menjëhershme të episodit nga platformat online Distancim nga produksioni dhe televizioni Ndërhyrje nga institucionet përkatëse për shkelje të etikës dhe ligjit
Sipas tyre, ligji për veterinarinë ndalon çdo formë dhune apo shkaktimi frike dhe ankthi ndaj kafshëve, ndërsa kujtojnë se edhe standardet ndërkombëtare i njohin ato si qenie të ndjeshme.
Në fund të reagimit theksohet se kafshët meritojnë respekt dhe nuk duhet të përdoren si mjete për argëtim apo audiencë.
