Një ngjarje e rëndë është regjistruar këtë të mërkurë në fshatin Strellc të Deçanit në Kosovë.
Policia e Kosovës ka bërë me dije se një person ka humbur jetën teksa po punonte pasi e kanë zënë disa dërrasa poshtë.
Mësohet se nga kjo ngjarje ka mbetur i plagosur edhe një punëtor tjetër.
Zëdhënësi i policisë në rajonin e Pejës, Fadil Gashi theksoi se ngjarja ka ndodhur rreth orës 14:05. Viktima mësohet se ka ndërruar jetë në spital pasi ka marrë ndihmë mjekësore.
“Sot rreth orës 14:05, Policia është njoftuar se në një punëtori (sharrë) në fshatin Strellc i Ulët, dy punëtorë kane pësuar lëndime nga rënia e disa dërrasave, të cilët kishin pësuar lëndime. Të lënduarit janë dërguar për tretman në Emergjencën e Spitalit Rajonal ne Pejë. Pas pak kohe mjeku kujdestar ka konstatuar vdekjen e njërit prej të lënduareve. Në vendngjarje kanë dalë njësitet kompetente”, thuhet në njoftim.
