Një moment që nisi si shaka për 1 Prillin përfundoi duke shkaktuar emocione të forta brenda shtëpisë së Big Brother.
Në orët e para të mëngjesit, rreth orës 5, Shëndriti së bashku me Brikenën vendosën t’i bëjnë një prank Mateos, duke e zgjuar nga gjumi me një “lajm bombë”.
Shëndriti i tha se Brikena ishte larguar nga shtëpia, duke e bërë situatën të dukej sa më reale. I sapozgjuar dhe i hutuar, Mateo e mori shumë seriozisht këtë informacion dhe reagimi i tij ishte i menjëhershëm.
Ai u duk i tronditur dhe i mërzitur, duke menduar se Brikena kishte lënë përfundimisht garën. Për disa momente, situata u bë e rëndë emocionalisht, derisa u zbulua se gjithçka ishte vetëm një shaka për 1 Prillin.
Momenti ka bërë xhiron e rrjetit, pasi reagimi i sinqertë i Mateos ka prekur dhe njëkohësisht ka argëtuar publikun.
