Një moment shumë i diskutueshëm ka ndodhur gjatë transmetimit live në Big Brother VIP Albania, ku papritur u ndërpre sinjali në një moment tepër delikat.
Sipas asaj që u dëgjua pak sekonda para ndërprerjes, Miri shprehet se ka kuptuar një strategji të produksionit për ta vendosur atë përballë Rogertit, me qëllim që situata të favorizojë Selinën drejt fitores.
“Unë të zihem me Rogertin që fitoren ta marrë ajo ( per Selin ) ? Jo, këtë gjë nuk e bëj,” dëgjohet të thotë Miri.
Ky moment ka ngritur dyshime të forta tek publiku, duke shtuar aludimet se produksioni mund të jetë duke ndikuar në rrjedhën e lojës dhe fituesin final.
Rrjetet sociale kanë shpërthyer menjëherë pas këtij incidenti, ku shumë ndjekës pretendojnë se “loja po bëhet e lexueshme” dhe se fituesi mund të jetë i paracaktuar.
