Einxhel Shkira, ish-banore e “Big Brother VIP Albania”, është zbuluar si opinionistja e parë e edicionit të ri të “Ferma VIP”.
Moderatorja e njohur, e cila u bë shumë e komentuar për karakterin e saj të drejtpërdrejtë dhe debatet e forta në BBVIP, pritet të sjellë të njëjtën energji edhe në panelin e opinionistëve.
Prej ditësh emri i saj po qarkullonte në media, por tashmë duket se gjithçka po konfirmohet, duke rritur akoma më shumë pritshmëritë për sezonin e tretë të reality show-t.
“Ferma VIP 3” pritet të nisë së shpejti dhe do të vijë me shumë surpriza, ndërsa roli i opinionistëve mbetet kyç në analizimin e situatave dhe debateve brenda fermës.
