Një bisedë e qetë mes disa banoreve në shtëpinë e Big Brother VIP Albania është kthyer papritur në një nga temat më të përfolura në rrjet.
Gjithçka nisi gjatë një diskutimi mes Edisës, Mirit dhe Juelës, ku biseda u ndal te Brikena dhe interesat e saj romantike brenda emisionit. Ajo që në fillim dukej si një mendim i thjeshtë, u shndërrua shpejt në një deklaratë që ka ngritur shumë pikëpyetje.
E para që hodhi “bombën” ishte Edisë, e cila u shpreh se mendon që Brikena mund të ketë pëlqim për dikë tjetër në emision.
Por situata mori tjetër drejtim kur Juelë ndërhyri menjëherë, duke lënë të kuptohet se bëhej fjalë për moderatorin e spektaklit, Ledion Liçon. Madje ajo shkoi edhe më tej duke thënë se ky pëlqim mund të jetë reciprok.
Deklarata ka ndezur menjëherë rrjetet sociale, ku fansat e programit kanë filluar të diskutojnë nëse bëhet fjalë për një shaka mes banoreve apo për një aludim që fsheh diçka më shumë.
