Rritja e tensioneve mes fuqive të mëdha botërore ka rikthyer frikën e një konflikti global që mund të çojë në shkatërrimin total të njerëzimit. Ndërsa bota vijon të jetë dëshmitare e përplasjeve në Lindjen e Mesme, pyetja që mundon të gjithë është: A ka ndonjë vend të sigurt nëse shpërthen lufta nukleare?
100 Milionë Gradë Celsius dhe “Dimri Nuklear”
Sipas një kërkimi shkencor të publikuar në revistën prestigjioze Nature, pasojat e një lufte me arsenalet aktuale (rreth 12,000 koka bërthamore) do të ishin katastrofike. Ekspertja e “Armagedonit”, Annie Jacobson, autore e librit Nuclear War: A Scenario, shpjegon se goditjet e para do të vrisnin qindra miliona njerëz menjëherë me topa zjarri që arrijnë temperaturën 100 milionë gradë Celsius.
Megjithatë, vdekja e vërtetë vjen më pas. Jacobson paralajmëron:
Vende si Iowa (SHBA) apo Ukraina do të mbuloheshin nga bora për 10 vite rresht. Bujqësia do të dështonte plotësisht, dhe kur nuk ka ushqim, njerëzit thjesht vdesin.”
Dy “Ishujt e Shpresës”
Sipas studimit, ekzistojnë vetëm dy vende në mbarë globin ku njerëzit mund të vazhdojnë të jetojnë jashtë dhe të prodhojnë ushqim:
- Australia
- Zelanda e Re
Pse pikërisht këto? Përveç pozicionit gjeografik, këto vende mund t’i rezistojnë “dimrit nuklear” që do të bllokonte rrezet e diellit në pjesën tjetër të botës. Në vende të tjera, shtresa e ozonit do të shkatërrohej aq shumë saqë rrezatimi diellor do të bëhej vdekjeprurës, duke i detyruar të mbijetuarit të jetojnë nën tokë.
Jeta nën tokë dhe lufta për mbijetesë
Për pjesën tjetër të popullsisë (rreth 3 miliardë që mund t’i mbijetojnë goditjes fillestare), jeta do të ishte e paimagjinueshme. Pa dritë dielli dhe me temperatura ekstreme, njerëzit do të luftonin për mbetjet e fundit të ushqimit në errësirë të plotë.
Lajmi i mirë? Ndryshe nga një asteroid që godet tokën, lufta nukleare është një fatkeqësi që njerëzimi ka fuqinë ta ndalojë përmes diplomacisë dhe çarmatimit, përpara se butonat e kuq të shtypen.
