Pamjet tregojnë momentin e uljes së dy helikopterëve të Forcave të Armatosura në stadiumin “Skënderbeu” të Korçës.
Sipas informacioneve të bëra publike, Kryeministri Edi Rama ka udhëtuar sot drejt Korçës për të shoqëruar një grup investitorësh ndërkombëtarë të interesuar në fushën e arsimit të lartë.
Gjatë vizitës, investitorëve iu janë prezantuar hapësirat e Polit të Dijes në Korçë, si dhe kompleksi i ri në Vlorë, të cilat synohen të zhvillohen si destinacione me potencial për të pritur universitete të njohura ndërkombëtare dhe për të forcuar ofertën akademike në vend.
