Një postim i fundit në Instagram ka rikthyer vëmendjen te dinamika jashtë shtëpisë së “BBVA”. Në një video të shpërndarë në rrjet, gruaja e Mirit shfaqet duke buzëqeshur para kamerës, ndërsa mbi video lexohet mesazhi: “Të dua për gjithmonë, Schatz-i im”, i shoqëruar me zemra.
Postimi është shoqëruar me mbishkrimin: “Gruaja e Mirit i bën ‘diss’ Selin”, duke ngritur menjëherë dyshime mes ndjekësve se ky dedikim mund të jetë një reagim indirekt ndaj situatave të krijuara brenda shtëpisë.
Në rrjetet sociale nuk kanë munguar komentet, ku një pjesë e ndjekësve e kanë interpretuar videon si një mesazh të qartë mbështetjeje për Mirin, ndërsa të tjerë e shohin si një thumbim ndaj Selinës, pas afrimitetit dhe dinamikave të fundit në lojë.
Duket se “Big Brother”-i po vazhdon edhe jashtë shtëpisë, me mesazhe dhe reagime që po marrin vëmendje të madhe online.
