Sali Berishës iu hoq non grata”. Lajmin e pabesueshëm e ka dhënë Nard Ndoka i cili mbrëmjen e së hënës deklaroi se opozita po çlirohet nga ajo pengesë e madhe.
“Sapo më erdhi lajmi. Sali Berishës iu hoq “non grata” zyrtarisht. Unë them që ky është një lajm i mirë edhe për opozitën në tërësi, edhe për çlirimin tonë sepse ka qenë një lloj pengese. Duhet ta pranojmë këtë. Pra, nëqoftëse kemi pasur një opozitë amorfe, që nuk e kishte dinjitetin, mundësinë për të kundërshtuar edhe faktorin ndërkombëtar haptas, ka qenë kjo pengesë.
Ka një lloj çlirimi edhe nga ana e opozitës sepse pati një lloj ndrydhjeje, duhet ta pranojmë këtë realitet. Kjo ndrydhje erdhi prej dy arsyeve. E para, ne jemi të djathtë, nuk jemi kundër investimeve të huaja, nuk jemi kundër biznesit dhe kjo është një pengesë që thonë edhe programore për ne. Pjesa e dytë janë marrëdhëniet që ka vetë Partia Demokratike edhe me SHBA-të apo edhe pengesën që pati zoti Berisha me “non gratën”, tha Nard Ndoka.
REALITETI – Zyrtarisht nuk ka asnjë lajm nga SHBA per heqjen e “Non Grates” të Sali Berishës dhe kjo eshte vetëm një deklaratë e Nard Ndokës e pabazuar në fakte. Mbase Nardi ka me shume info por presim ca do ndodhi …
