Mbreti Charles III ka reaguar publikisht pas arrestimit të vëllait të tij, ish-princit Prince Andrew, i cili dyshohet për shpërdorim detyre dhe sjellje të papërshtatshme në ushtrimin e funksioneve publike.
Në një deklaratë zyrtare, Charles III shprehu shqetësim të thellë për zhvillimet e fundit dhe theksoi se çështja do të trajtohet në mënyrë të plotë dhe të drejtë nga autoritetet kompetente.
“Kam mësuar me shqetësim lajmet rreth Andrew Mountbatten-Windsor dhe dyshimeve për sjelljen e tij në detyrën publike. Hetimet do të zhvillohen nga institucionet kompetente, dhe familja jonë do të ofrojë bashkëpunim të plotë,” tha Charles III.
Ai shtoi se ligji duhet të ndiqet pa asnjë përjashtim:
“Siç kam thënë më parë, ata kanë mbështetjen dhe bashkëpunimin tonë të plotë dhe të sinqertë. Le të bëhet e qartë: ligji duhet të ndjekë rrugën e tij.”
Në përfundim, Mbreti bëri me dije se, përsa kohë procesi është duke u zhvilluar, nuk do të ketë komente të tjera mbi këtë çështje, ndërsa garantoi se familja mbretërore do të vazhdojë angazhimet dhe shërbimin publik.
“Ndërsa ky proces vazhdon, nuk do të jetë e drejtë të bëhen komente të mëtejshme. Familja ime dhe unë do të vazhdojmë detyrën dhe shërbimin tonë për ju të gjithë,” përfundoi Charles III.
