Ministri izraelit i Mbrojtjes, Israel Katz, tha se Udhëheqësi Suprem i Iranit, Ajatollah Ali Khamenei, u vra në “goditjen e parë” të operacionit ushtarak kundër Iranit.
“Tirani Khamenei u eliminua në goditjen hapëse të Operacionit “Vrumbullima e Luanit” dhe bashkë me të figura të tjera të larta në fortesën terroriste iraniane”, tha Katz në X sot, duke shtuar, “Drejtësia u bë dhe boshti i së keqes pësoi një goditje fatale”.
Shumë media shtetërore iraniane kishin konfirmuar vdekjen e Khameneit më parë, disa orë pasi zyrtarët amerikanë dhe izraelitë deklaruan se ai ishte vrarë në sulmet e tyre të përbashkëta që synonin regjimin e tij.Katz shtoi se vendi i tij do të “vazhdojë të veprojë me të gjitha fuqitë tona për të mbrojtur Shtetin e Izraelit”.
Si SHBA-të ashtu edhe Izraeli kanë treguar se sulmet ndaj Iranit do të vazhdojnë.
Një burim izraelit i tha CNN se vendi po përgatitet për disa ditë sulmesh dhe “edhe më shumë nëse është e nevojshme”, dhe në një postim të së shtunës në Truth Social, Trump shkroi se “bombardimet e rënda dhe të sakta” do të vazhdojnë “të pandërprera gjatë gjithë javës”.
