Situatat e shtëpisë së Big Brother Vip Albania po reflektohen drejtpërdrejt edhe jashtë saj. Pas Prime-it të djeshëm, vëmendja u zhvendos në Instagram, ku nisi një përplasje mes familjarëve të banorëve.
Gjithçka nisi nga bashkëshortja e Mirit, e cila iu drejtua hapur mbështetësve të rivalit të tij, duke shkruar:
“O fansat e Mateos, edhe ju do kuptoni shumë shpejt që as Mateo s’ka për të fituar Bigun. Kishit kuptuar që sot.”
Deklarata e saj solli reagimin e menjëhershëm të Kejsi Borri, motrës së Mateos. Ajo theksoi se, pavarësisht çmimit të madh, ai ka fituar zemrat e publikut, duke shtuar edhe një thumbim të drejtpërdrejtë: “ndryshe nga disa”.
Pasi komenti i parë u fshi, Kejsi vendosi ta publikojë bisedën përmes një “screenshot”-i në Instastory, duke deklaruar se donte të ruante transparencën me ndjekësit e saj.
Tensionet duket se nuk po mbeten vetëm brenda mureve të shtëpisë, por po vazhdojnë edhe jashtë saj, duke ndezur edhe më shumë debatet mes fansave në rrjet.
