Pas incidentit të famshëm ku Jozi u përfshi në një konflikt me artistin Gjesti – ku një shuplakë elektrizoi rrjetin dhe ndau publikun – reperi është zhdukur pothuajse totalisht nga skena dhe rrjetet sociale. Prej asaj dite, ndjekësit e tij kanë vërejtur mungesën totale të pranisë së tij në ekran dhe në projekte të reja muzikore.
Por gjithçka mund të ndryshojë shumë shpejt!
Vetëm dje, Jozi publikoi në mënyrë misterioze një Story në Instagram ku shfaqej vetëm një datë: 29.05.2025. Nuk pati asnjë mbishkrim tjetër, asnjë këngë, asnjë detaj – thjesht një datë. A është kjo dita e rikthimit të tij të madh? Një projekt muzikor që pritet të tronditë industrinë? Apo një paralajmërim për diçka edhe më të madhe?
Fansat filluan të spekulojnë menjëherë, por Story-ja u fshi brenda pak orësh, duke shtuar më tej misterin. Çfarë po përgatit Jozi në heshtje?