Shqiptarët mbi 40% në listën e familjeve që përfitojnë ndihmë sociale në SHBA
Një listë e publikuar së fundmi në rrjetin social Truth Social nga ish-presidenti amerikan Donald Trump tregon përqindjen e familjeve emigrante në Shtetet e Bashkuara që përfitojnë ndihmë sociale. Sipas këtyre të dhënave, 41.3% e familjeve shqiptare që jetojnë në SHBA rezultojnë përfituese të asistencës sociale.
Në listë, Shqipëria renditet mbi pragun 40%, duke u pozicionuar pranë vendeve si Moldavia, Ukraina dhe Vietnami. Përqindja e shqiptarëve është më e ulët krahasuar me disa vende të tjera të përfshira në listë, si Kosova dhe disa vende të Afrikës Perëndimore, por mbetet gjithsesi relativisht e lartë.
Të dhënat e shpërndara nga Trump përfshijnë përfitimin e ndihmës sociale nga familje emigrante nga vende të ndryshme dhe janë përdorur në kuadër të debatit mbi politikat e emigracionit dhe asistencës sociale në SHBA.
Burimi dhe metodologjia e plotë e përllogaritjes së këtyre shifrave nuk janë sqaruar në detaje.
