Një ngjarje e paprecedentë ka tronditur Big Brother VIP Albania dhe po shkakton reagime të forta në rrjete sociale. Në internet ka nisur të qarkullojë një foto ku pretendohet se Luiz Ejlli shihet duke përdorur telefon dhe madje duke shkruar mesazhe — diçka që është rreptësisht e ndaluar nga rregullat e formatit.
Nëse kjo rezulton e vërtetë, bëhet fjalë për një nga shkeljet më të rënda në historinë e BB VIP, pasi izolimi total nga bota e jashtme është themeli i lojës. Fansat kanë shpërthyer me komente, duke kërkuar sqarime urgjente nga produksioni dhe duke vënë në dyshim barazinë mes banorëve.
Deri tani, produksioni nuk ka reaguar zyrtarisht, por presioni publik po rritet nga minuta në minutë. A do ketë penalizim për Luizin? Apo bëhet fjalë për një keqkuptim apo montazh?
Ditë më parë, edhe Miri u pa në rrethana të dyshimta, duke ngritur aludime se edhe ai mund të ketë pasur telefon në shtëpi. Këto dy raste kanë ndezur debat të fortë mes fansave, të cilët po kërkojnë sqarime të menjëhershme nga produksioni.
