Kryeministri Edi Rama zhvilloi sot një takim festiv me anëtarë dhe drejtues të strukturave të Partisë Socialiste në Tiranë, në kuadër të festave të fundvitit.
Rama ndau pamje nga organizimi në rrjetet sociale, ndërsa gjatë fjalës së tij ngriti dolli për familjet e socialistëve dhe për kontributin e secilit anëtar në punën e përditshme të partisë.
“Dua të ngre një shëndet të ndjerë dhe vëllazëror për të gjitha familjet tuaja. Shëndetin e dytë dua ta bëj për vajzat dhe gratë që janë këtu, ndërsa të tretin për të gjithë ata që janë mbështetës të Partisë Socialiste, jo vetëm ata në vijën e parë, por edhe ata në vijën e dytë e të tretë, kryetarë partie dhe kryetarë organizatash”, u shpreh Rama para socialistëve të Tiranës.
