Kryeministri Edi Rama ka mbajtur fjalën e tij në Kuvend gjatë seancës për ratifikimin e ftesës së Shqipërisë për t’u bërë pjesë e Bordit të Paqes, një nismë e ideuar nga presidenti i Shteteve të Bashkuara të Amerikës.
Në kontekstin e tensioneve globale dhe presionit të shtuar mbi paqen, Rama e cilësoi ftesën personale nga presidenti amerikan për t’u bërë anëtar themelues i Bordit të Paqes si një nder të veçantë për Shqipërinë.
“Sot do të votoni të vërtetën e madhe që unë nuk do ta detyroj kurrë ushtrinë amerikane ti bashkohet protestës tuaj se do të dorëzohem vetë paqësisht në duart e autoriteteve amerikane që do më marrin me makinë e do më çojnë në Shtëpinë e Bardhë që të jem pjesë e Bordit të Paqes“, tha Rama.
