Një reagim i fortë ka ardhur nga Artan Kola në rrjetet sociale, duke ngritur dyshime serioze mbi mënyrën se si po zhvillohet loja në “Big Brother VIP”.
Në një postim që po bën xhiron e rrjetit, ai falënderon publikun për mbështetjen, por njëkohësisht hedh akuza të rënda ndaj produksionit, duke e cilësuar daljen e tij si të padrejtë.
Sipas tij, situata ka ndryshuar në momentin që ai refuzoi të bëhej pjesë e një “loje” të inskenuar, ku – siç pretendon – synohej që Mateo të përballej me një situatë të rrezikshme, deri në eliminim për arsye shëndetësore.
Ai shkon edhe më tej, duke deklaruar se produksioni ishte në dijeni të kësaj situate dhe se gjithçka, sipas tij, ishte menduar të dukej si rastësi dhe jo si një plan i organizuar.
Ky reagim ka ndezur rrjetin, ku ndjekësit janë ndarë në dy kampe: ata që besojnë se loja po manipulohet dhe ata që e konsiderojnë këtë si një reagim emocional pas eliminimit.
A po zbulohet një prapaskenë e errët e spektaklit më të ndjekur në Shqipëri? Apo është thjesht një tjetër strategji për vëmendje?
Një gjë është e sigurt: kjo deklaratë ka trazuar fort publikun dhe pritet të ketë reagime të tjera në vijim.
