Rrjetet sociale janë ndezur pas pretendimeve se Mateo po paraqitet në mënyrë të njëanshme në spektakël. Sipas një pjese të madhe të publikut, produksioni po i jep hapësirë kryesisht romancës së tij, ndërsa po lë në hije anë të tjera të forta të lojës.
Fansat theksojnë se debatet e tij të drejtpërdrejta, batutat me humor dhe përplasjet strategjike nuk po transmetohen mjaftueshëm në prime apo në përmbledhjet ditore. “Po e shfaqin vetëm në kontekstin e lidhjes, sikur loja e tij të reduktohet aty,” shkruajnë komentuesit, duke shtuar se kjo krijon një perceptim të cunguar për publikun që ndjek vetëm transmetimet kryesore.
Madje, sipas tyre, në rrjete sociale mbështetja për Mateon është masive dhe shumë shikues pretendojnë se po kuptojnë një “lojë montazhi” që nuk pasqyron të plotë dinamikën reale brenda shtëpisë.
A është kjo thjesht strategji editoriale për të ndërtuar narrativë, apo kemi të bëjmë me një balancë që po vihet në pikëpyetje? Një gjë është e qartë: publiku po e ndjek me vëmendje çdo detaj dhe reagimet po bëhen gjithnjë e më të forta.
