Një aksident i rëndë ka ndodhur këtë të hënë në aksin rrugor “Peqin-Elbasan”, pranë zonës së Bradasheshit.
Sipas informacioneve të policisë, nga ky aksident me pasoj vdekjen ka humbur jetën këmbësorja 46 vjeçare.
“Mëngjesin e sotëm, në aksin rrugor “Peqin-Elbasan”, në fshatin Bradashesh, shtetasi A. H. dyshohet se ka përplasur me automjetin që drejtonte, shtetasen N. S., 46 vjeçe, këmbësore, e cila për shkak të dëmtimeve ka humbur jetën në spital. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme“, njofton policia.
