Klajda Gjosha ka treguar se si ka ardhur largimi i saj nga politika.
Ajo thotë se, në planin personal, ndihet më e qetë dhe më pranë familjes, ndërsa ka vendosur të vazhdojë angazhimin e saj profesional dhe të mbetet aktive në shoqërinë civile.
Pyetje: Si ndihesh që je jashtë politikës tashmë?
Gjosha: “Në jetën personale ndihem shumë më e qetë dhe pranë familjes sime, dhe e vlerësoj çdo moment këtë mundësi që më është dhënë. Kam zgjedhur të vazhdoj profesionin tim dhe të jem aktive në shoqërinë civile në shumë fusha. Është si të bëj politikë, por nga jashtë këtij sistemi. Tani e shoh situatën nga një këndvështrim i jashtëm me më shumë qartësi. Ndoshta kur isha brenda nuk e shihja gjithçka me sytë e publikut; ndoshta nuk isha aq e ftohtë sa jam tani.”
