Një moment shumë emocional ka ndodhur në studio, ku Artani nuk i mbajti dot lotët gjatë një bisede të ndjerë me Kiarën. Teksa atmosfera u bë më e qetë dhe personale, moderatorja i drejtoi një pyetje që duket se preku një plagë të thellë të tij.
Kiara e pyeti nëse ndoshta i kishte ardhur keq që nuk arriti ta tregonte plotësisht historinë e jetës së tij brenda shtëpisë së Big Brother, dhe nëse kishte shpresuar që aty të kishte mundësinë të takonte edhe vëllain e tij.
Kjo pyetje mjaftoi që Artani të emocionohej fort. Me zërin që i dridhej dhe sytë e mbushur me lot, ai u shpreh:
“Po, më erdhi shumë keq që dola në këtë pikë të lojës… por unë për vëllain tim nuk do dorëzohem kurrë. Do shpresoj derisa ta takoj.”
Menjëherë pas kësaj deklarate prekëse, Kiara iu afrua dhe e përqafoi ngrohtësisht, duke i dhënë mbështetje në atë moment të vështirë.
Publiku në studio mbeti i heshtur për disa sekonda, ndërsa emocionet e Artanit u ndjenë fort edhe përtej ekranit, duke e kthyer këtë në një nga momentet më të ndjera të mbrëmjes.
