Debatet rreth Mateos në Big Brother VIP duket se nuk kanë të ndalur. Pas komenteve të forta të gazetares Dasara Karaiskaj, një tjetër video që po qarkullon në rrjet ka shtuar edhe më shumë polemikat.
Në një video që po shpërndahet në faqet e BBV në rrjetet sociale, Mateo shihet duke debatuar me një nga banorët në ambientet pranë pishinës. Në video shfaqet edhe një mbishkrim ironik ku thuhet: “Muteo ordinieri… që gjoja mbron femrat.”
Po ashtu në video përmendet edhe një moment tjetër ku thuhet se Mateo ka përdorur fjalë të forta dhe është përfshirë në diskutime lidhur me situatën mes banorëve, duke e lidhur edhe me emrat e Juelës dhe Rogertës. Kjo video është bërë virale në pak orë dhe ka ndezur komente të shumta mes fansave të spektaklit.
Ndërkohë, reagimi i gazetares Dasara Karaiskaj ka shtuar edhe më shumë debatin. Ajo u shpreh në një postim se Mateo duhet të falënderojë Mirin për situatën e nominimit dhe në një moment përdori edhe një shprehje të ashpër duke e quajtur: “çun i ri, i papjekur… çfarë djale loqe.”
Kombinimi i këtyre videove dhe deklaratave ka ndezur rrjetin, ku fansat janë ndarë në dy kampe: një pjesë që kritikojnë Mateon për sjelljen e tij dhe të tjerë që e mbrojnë, duke thënë se po sulmohet padrejtësisht.
Videoja po shpërndahet me shpejtësi në rrjete sociale dhe pritet të sjellë reagime të tjera edhe gjatë prime-t të radhës të Big Brother VIP. 🔥
