Një ngjarje e rëndë është shënuar më 21 maj 2025 në fshatin Kamenicë, ku një fëmijë i mitur, vetëm 2 vjeç, ka rënë aksidentalisht nga ballkoni i katit të dytë të banesës së tij.
Për pasojë, i mituri ka pësuar dëmtime dhe është transportuar menjëherë drejt spitalit për të marrë ndihmën mjekësore të nevojshme.
Fatmirësisht, burime nga spitali bëjnë me dije se fëmija ndodhet jashtë rrezikut për jetën dhe po trajtohet nën kujdesin e mjekëve.
Qershori është muaji ideal për të përcaktuar prioritetet e nevojave tuaja emocionale, pa humbur fokusin te qëllimet dhe ambiciet.
Edhe pse Binjakët kanë tendencë të shpërqendrohen lehtësisht nga stimujt e shumtë të jetës, kjo fazë ofron qetësi dhe qartësi të shtuar. Ka ardhur momenti të largoheni nga rrethanat që ju kufizojnë dhe të zgjidhni alternative që ju zhvillojnë.
Demi
Më 6 qershor, venusi hyn në shenjën tuaj dhe ju mbush sharm dhe energji pozitive. Planeti i dashurisë dhe luksit ju bën të rrezatoni, si në jetën tuaj personale ashtu edhe në atë profesionale.
Tensionet e majit largohen dhe hapet rruga për qetësi, gëzim dhe rritje të vetëbesimit tuaj. Prisni zhvillime të këndshme në marrëdhëniet tuaja, por edhe në financat tuaja. Vetëvlerësimi juaj është rritur dhe universi duket se komploton në favorin tuaj.
Shigjetari
Sezoni i Binjakëve sjell fat të shtuar në fushën e marrëdhënieve për Shigjetarët. Me Hënën e Re dhe Merkurin që sjellin energji dhe qartësi të re, ndiheni më të përqendruar, më të shoqërueshëm dhe të gatshëm të rilidheni në mënyrë kuptimplote me njerëzit përreth jush. Qershori favorizon lidhje më të thella dhe momente romantike.
Sezoni i Binjakëve sjell fat të shtuar në fushën e marrëdhënieve për Shigjetarët. Me Hënën e Re dhe Merkurin që sjellin energji dhe qartësi të re, ndiheni më të përqendruar, më të shoqërueshëm dhe të gatshëm të rilidheni në mënyrë kuptimplote me njerëzit përreth jush. Qershori favorizon lidhje më të thella dhe momente romantike.
Në respekt të parimeve të gazetarisë dhe të së drejtës për të dëgjuar versionin e së cilës palë ne i kërkuam znj. Belina Pupa një reagim publik ose sqarim mbi situatën në fjalë.
Ajo dha këtë përgjigje për Dritare TV.
Përshëndetje Dritare TV. Bëhet fjalë për një pronë të dhënë me qira por që është me emrin tim. Gjyqi po mbahet për pasqyrimin e fakteve. Nuk mund të them asgjë më shumë, derisa çështja të mbyllet, për arsye hetimesh në radhë të parë por edhe për të qenë e qartë për të gjithë në fund, në radhë të dytë. Ju falënderoj që më pyetët përpara se të shpërndanit një lajm të përçudnuar!”, shkruan zonja Pupa në reagimin e saj për Dritare TV./Lorena Fjolla/dritare.net
Belina Pupa, terapiste dhe influencuese e njohur në rrjetet sociale me mbi 80 mijë ndjekës, po përballet me drejtësinë në Australi, pasi akuzohet për kultivim të një sasie të madhe kanabisi dhe ndërhyrje të paligjshme në furnizimin me energji elektrike.
Belina, e cila është bashkëshortja e aktorit të njohur shqiptar, Elvis Pupa doli këtë të martë përpara Gjykatës së Magjistraturës në Adelaide.
Ajo nuk ka paraqitur ende ndonjë deklarim fajësie për akuzat që rëndojnë mbi të.
Sipas dokumenteve gjyqësore, ngjarja dyshohet të ketë ndodhur në periudhën 1 janar – 4 prill 2025, në një pronë në Ascot Park, ku janë zbuluar 43 bimë kanabisi.
Avokati i saj kërkoi nga gjykata ndryshim të kushteve të lirimit me kusht, me argumentin se Pupa ka një biznes ndërkombëtar dhe duhet të udhëtojë drejt Shqipërisë për qëllime pune.
Grida Duma ka trajtuar çështjen e shëndetit mendor, duke veçuar rrëfimin e Egli Takos për përjetimin e saj me atak paniku gjatë pjesëmarrjes në “Big Brother VIP Albania”.
Grida, ndër të tjera, ka theksuar se vendimi i Eglit për të ndarë historinë e saj dhe për të qenë e sinqertë në një reality show është një veprim që meriton vlerësim.
“Një nga personazhet e këtij ‘Big Brother’ që ka tërhequr vëmendjen deri në nivele të larta të reagimeve, ndërgjegjësimeve, Egli Tako këtë e ka kthyer edhe në një kauz të vetë, që shkon shumë kur personi është i vërtet, vijon të jetë i vërtet, është forcë absolute ajo që në publik ta besh këtë, që shkon në kundërshtim me pamjet e para, sepse t’i shikon një vajzë që është e palestruar dhe është publike edhe me parë” ishin fjalët e Dumës.
Gjatë qëndrimit të saj, Egli tregoi disa mënyra se si përpiqej të lehtësonte dhe të përballonte problemet me shëndetin mendor.
Avokatët e kryetarit të Bashkisë së Tiranës, Erion Veliaj, dhe bashkëshortes së tij, Ajola Xoxa, kanë reaguar pas një vendimi të Gjykatës së Posaçme për sekuestrimin e një pasurie në një pallat në zonën e Selitës.
Në një deklaratë për mediat, përfaqësuesit ligjorë theksojnë se Veliaj dhe Xoxa nuk janë pronarë të pasurisë së sekuestruar, as nuk kanë ndonjë lidhje pasurore apo ligjore me kompaninë “A.K.” shpk, subjekt ndaj të cilit është vendosur masa e sekuestrimit.
Sipas tyre, apartamenti i Ajola Xoxës, ku çifti banon, është krijuar para martesës dhe nuk ka qenë asnjëherë objekt hetimi apo sekuestroje nga ndonjë autoritet ligjzbatues.
“Theksojmë se është në të drejtën ligjore të organit të akuzës të kryejë hetime, por dyshimet e ngritura duhet të bazohen në fakte konkrete dhe prova të verifikueshme, në respekt të parimit të prezumimit të pafajësisë dhe të drejtave themelore të individit” thuhet në deklaratë.
Avokatët shtojnë gjithashtu se pasuritë e deklaruara nga Veliaj dhe Xoxa janë në përputhje me legjislacionin në fuqi, si para ashtu edhe pas martesës, dhe se ata kanë qenë gjithmonë bashkëpunues me institucionet.
Ikja e papritur e Artan Lames i ka shokuar të gjithë. Miqtë e shumtë kanë mbetur pa fjalë nga lajmi i kobshëm që mbërriti këtë mëngjes nga Gjermania, pasi prisnin ashtu si herën e parë se ai do të kthehej, ama zemra këtë herë e tradhtoi.
Moderatorja Beti Njuma ka bërë një shënim të ndjerë për ikjen e Tan Lames, mikut dhe bashkëpunëtorit të saj në shumë dokumentarë e emisione. Ajo tregon dhe betejën e parë të Lames me zemrën, në vitin 2016, kur ai thoshte se Zoti i kishte dhënë një jetë të dytë.
“Shumë dhimbje për largimin tënd të parakohshëm nga jeta Tani. Në mars të 2016 pas ndërhyrjes së parë në zemër rendëm në spital dhe e gdhimë duke pritur që t’ia dilje mbanë. Pas operacionit të suksesshëm më the pak a shumë se të ishte dhënë një jetë e dytë”, shkruan Beti Njuma.
Me një profil që shtrihej mes politikës, publicistikës, historisë dhe mbrojtjes së trashëgimisë kulturore, Artan Lame u kthye në një figurë të respektuar dhe një ndër njerëzit që asnjëherë nuk heshtën atëherë kur duhej folur me ndershmëri dhe pasion për vendin.
“Ty që gjithçkaje dije t’i jepje jetë, historive, rrëfimeve të së shkuarës, objekteve të vjetra, rraqeve që për këdo mund të ishin hedhurina por për ty sende me vlerë historike dhe njerëzore. Ishe studiuesi i historisë, njeriu që dinte të rrëfente Shqipërinë e vjetër si askush tjetër, koleksionisti i pasionuar që gjithmonë ankohej se nuk kishte më vend në shtëpi për atë pasuri të pashoqe që kishe mbledhur nëpër skuta”, vijon ajo.
Lexoni shënimin e plotë të Beti Njumës për ikjen e Artan Lames:
Shumë dhimbje për largimin tënd të parakohshëm nga jeta Tani. Në mars të 2016 pas ndërhyrjes së parë në zemër rendëm në spital dhe e gdhimë duke pritur që t’ia dilje mbanë. Pas operacionit të suksesshëm më the pak a shumë se të ishte dhënë një jetë e dytë! Ty që gjithçkaje dije t’i jepje jetë, historive, rrëfimeve të së shkuarës, objekteve të vjetra, rraqeve që për këdo mund të ishin hedhurina por për ty sende me vlerë historike dhe njerëzore.
Ishe studiuesi i historisë, njeriu që dinte të rrëfente Shqipërinë e vjetër si askush tjetër, koleksionisti i pasionuar që gjithmonë ankohej se nuk kishte më vend në shtëpi për atë pasuri të pashoqe që kishe mbledhur nëpër skuta. Pulla, foto, kartolina, armë, veshje ushtarake, xhaketa lloj-llojesh dhe një koleksion i çmuar që kishe ëndërr ta ndaje me të tjerët. Si në 2002 kur çele tek Galeria Kombëtare ekspozitën më të bukur me uniformat e shtetit shqiptar.
Do na mungosh shumë Tani me dijen tënde të pashoqe, që në fakt reshte së ndari me publikun dhe lexuesit e Gazetës Shqip kur nise të merresh me punët e shtetit. Shtetit më të ngatërruar në botë siç thoje me një shprehje që për dreq nuk po me vjen. Do i mungosh jashtëzakonisht Mirelës dhe fëmijëve që kanë fatin të kenë ndarë me ty kujtimet më të bukura që mund të ndajë një baba dhe bashkëshort!
Kam pasur privilegjin të realizoj disa dokumentarë me ty, udhëtime përmes rrënojave, dokumenteve të arkivit hartave të vjetra, fotografive të zverdhura nga koha, që i gjeje ku të ishin, që i njihje, shpjegoje dhe i sillje me dashuri të pakufishme për trashëgiminë. Ti nuk ishte thjesht një njohës i historisë por një dashnor i saj. Edhe pse sa herë të thoja këto vite pse heshtje, ngrije duart nga pafuqia. Fundja ti e kishe bërë luftën tënde. Tani ishte koha që stafetën ta merrnin të tjerët. Jam e bindur se ke bërë shumë paçka se e keqja është thuajse gjithmonë më e forte se ne.
Lamtumirë, Tani, me dhimbje dhe lot në sy! Rrëfimet e tua do të jetojnë gjatë – në ekrane, copëra gazetash, në shkrime facebooku, në kujtime, në zemrat tona dhe tek Muzeu i ri, ëndrra jote e madhe që nuk arrite ta shohësh të përuruar. Do të të kujtoj ngahera si mikun e dashur që asnjëherë nuk përtonte të të ndihmonte. Studiuesin plot pasion për të rrëfyer Shqipërinë, si te këto foto shkëputur nga dokumentari ynë i 2006 për Top Story në Top Channel: MISTERET E 28 NËNTORIT!
Një lajm i ëmbël ka mbërritur nga bota e showbiz-it shqiptar dhe ka emocionuar rrjetin: Tea Zhuli është në pritje të fëmijës së saj të parë!
Artistja e dashur për publikun ndau këtë moment të paharrueshëm me ndjekësit përmes një postimi në Instagram, ku shkroi thjesht, por ndjeshëm: “Sekreti më i shtrenjtë për mua!” – fjalë që menjëherë preken zemrat e mijëra ndjekësve.
Komentet me urime, dashuri dhe mbështetje nuk vonuan, teksa fansat dhe kolegët e saj në showbiz e kanë përgëzuar për nisjen e këtij kapitulli të ri dhe magjik në jetën e saj.
Ky është pa dyshim një nga momentet më të bukura për Tean – dhe një lajm që e ka bërë rrjetin të buzëqeshë.
Lajmi i trishtë njoftohet nga Teatri Kombëtar i Operës dhe Baletit. Prej vitit 2000, Sopranoja Redrina Kokona është ndarë nga jeta.ajo iu bashkua Trupës së Korit të TKOB-së dhe që atëherë nuk iu nda më skenës.
Artdashësit do ta mbajnë mend Redrina Kokona si Fiordiligi në operën Così fan tutte, Frasquita në Carmen, Kate Pinkerton në Madama Butterfly, Musetta në La Bohème, Anina në La Traviata dhe Una novizia në Suor Angelica.
“Sot, Trupa e Korit të Teatrit Kombëtar të Operës, Baletit dhe Ansamblit Popullor është më e heshtur.
Ka humbur një nga zërat e saj më të bukur, sopranon Redrina Kokona. Me një karrierë që shtrihet në pothuajse tri dekada, Redrina ishte një artiste që të frymëzonte me përkushtimin dhe shpirtin e saj operistik.
E diplomuar me rezultate të shkëlqyera në Universitetin e Arteve në Tiranë, në vitin 1998, ajo e nisi rrugëtimin e saj artistik me një pasion të palëkundur për muzikën klasike dhe një zë që spikati që në hapat e parë.
Në vitin 2000, ajo iu bashkua Trupës së Korit të TKOB-së dhe që atëherë nuk iu nda më skenës. Ishte gjithmonë aty, në çdo koncert, në çdo premierë, në çdo përgatitje e provë, jo vetëm si pjesë e korit, por edhe si një zë që shpesh dallohej në role solistike, me një interpretim plot finesë e ndjeshmëri.
Publiku do ta mbajë mend si Fiordiligi në operën Così fan tutte, Frasquita në Carmen, Kate Pinkerton në Madama Butterfly, Musetta në La Bohème, Anina në La Traviata dhe Una novizia në Suor Angelica.
Në këtë moment dhimbjeje të thellë, shprehim ngushëllimet tona më të sinqerta familjes, fëmijëve, kolegëve dhe të gjithë atyre që e duan dhe e çmojnë Redrinën si artiste dhe si njeri. Humbja e saj lë një boshllëk të pazëvendësueshëm në zemrat dhe skenën tonë.
Qoftë i paharruar kujtimi i saj!”, thuhet në reagimin e TKOB.
Aktori Laert Vasili, njëkohësisht edhe ish-finalist i Big Brother VIP 4
ka qenë së fundmi i ftuar në emisionin “Abc e Mëngjesit”, ku u pyet nëse do të merrte pjesë në një Big Brother “All Stars”.
Gjatë bisedës në studio, Laerti foli edhe për një bisedë me këngëtarin dhe fituesin e Big Brother VIP 2, Luiz Ejllin.
“Luizi më kontaktoi pardje edhe kur e kam parë gjatë bisedës që patëm ishte shumë çun king bravo. Nuk e prisja se nuk njihemi, njihemi nga larg. Bravo i qoftë!”, tha Laerti
Pas përfundimit të Eurovision 2025, ku Izraeli u rendit i dyti me 357 pikë në total — vetëm 60 nga juritë dhe 297 nga televotimi i publikut — kanë shpërthyer diskutimet për transparencën e votave, veçanërisht në lidhje me mënyrën se si u mbështet kënga izraelite nga publiku.
Ky diferencim i madh midis votave të jurisë dhe atyre të publikut ka ngritur dyshime serioze për procesin e televotimit, duke ndezur kritika dhe tensione, sidomos nga RTVE, transmetuesi publik i Spanjës.
Sipas mediave ndërkombëtare, RTVE ka kërkuar një audit zyrtar nga organizata që merret me televotimin e Eurovisionit, në bashkëpunim me Unionin Evropian të Transmetimeve (EBU).
Qëllimi i auditimit është të sqarohen dyshimet për rezultatin e televotimit spanjoll, pasi pretendohet se publiku në Spanjë nuk e ka mbështetur këngën izraelite, ndonëse ajo rezultoi me mbështetje masive në total.
RTVE ka konfirmuar se gjatë finales së së shtunës, janë marrë 142,688 vota nga publiku spanjoll.
Megjithatë, raporti fillestar i dhënë nga EBU nuk specifikonte saktësisht për cilat shtete kanë shkuar këto vota, duke sjellë pasiguri dhe dyshime për legjitimitetin e procesit.