Këngëtarja shqiptare me famë botërore, Bebe Rexha, ka surprizuar fansat me një ndryshim total në pamje! Në një foto të postuar në Instagram Story, artistja është shfaqur me flokë të shkurtër dhe ngjyrë të errët – larg imazhit të zakonshëm biond që e ka karakterizuar prej vitesh.
Ky transformim ka marrë menjëherë vëmendjen e ndjekësve, të cilët e kanë përgëzuar për guximin dhe stilin unik. Bebe ka treguar edhe një herë se nuk ka frikë të eksperimentojë dhe se çdo ndryshim është një formë shprehjeje e saj si artiste.
Reagimet pozitive kanë vërshuar në rrjet, ku fansat e kanë vlerësuar për thyerjen e stereotipeve dhe për forcën për të qenë gjithmonë vetvetja – ndryshe, e freskët dhe autentike.
Luiz Ejlli, këngëtari i njohur dhe fituesi i “Big Brother VIP Albania”, ka prekur zemrat e ndjekësve me një postim të veçantë në rrjete sociale. Ai ka publikuar një foto me vajzën e tij të vogël, shoqëruar me një mesazh të ndjerë që flet për dashurinë e pastër të një babai.
“Jam heroi i saj… Jo sepse kam fuqi magjike, por sepse jam thjesht… babai i saj,” – shkruan Luizi, duke shprehur ndjesinë e thellë që përjeton në rolin e prindit.
Ai tregon se, pavarësisht sfidave që jeta i ka sjellë, lindja e vajzës së tij ishte momenti kur ndjeu se kishte fituar gjithçka.
“Kjo foto nuk është thjesht një kujtim. Është dëshmi që Zoti më besoi një mrekulli. Jam babai i saj, dhe ky është titulli më i madh që do mbaj ndonjëherë,” – përfundon ai në postimin që ka marrë mijëra pëlqime dhe komente mbështetëse.
Ky moment i ndjerë sjell një anë tjetër të Luizit, atë të një babai të përkushtuar, duke dëshmuar lidhjen e fortë shpirtërore me vajzën dhe emocionin që vetëm prindërimi mund të japë.
Artan Lame, një nga figurat më të spikatura të administratës publike shqiptare, ka ndërruar jetë në moshën 58-vjeçare pas një beteje të gjatë me problemet shëndetësore. Ai po trajtohej në Gjermani për pasojat e një ishemie të rëndë.
Gjatë karrierës së tij, Lame drejtoi institucione të rëndësishme si ALUIZNI dhe Agjencia Shtetërore e Kadastrës, ku la gjurmë për qasjen e tij profesionale dhe vizionin në rregullimin e çështjeve të pronësisë.
Veç kontributit në administratë, ai ishte një zë i njohur në media si opinionist dhe një pasionant i historisë dhe trashëgimisë kulturore. Njohuritë e tij në fushën e dokumentacionit historik dhe filatelisë shqiptare e bënin një figurë të rrallë në skenën publike.
Ndarja e tij nga jeta është një humbje e ndjeshme për vendin, duke shënuar mbylljen e një kapitulli me peshë në shërbimin publik dhe debatin intelektual shqiptar.
Shkencëtarët kanë zbuluar se të gjitha qeniet e gjalla – përfshirë njerëzit – lëshojnë një dritë shumë të dobët, të padukshme me sy të lirë, gjatë gjithë jetës së tyre. Kjo dritë, e quajtur “emision fotonik ultra i dobët”, ndalon plotësisht në momentin e vdekjes. Duke përdorur kamera ultra të ndjeshme, studiuesit kanë vëzhguar këtë fenomen tek organizma si minjtë dhe bimët. Zbulimi sjell një qasje të re për të kuptuar gjendjen shëndetësore të trupit dhe për të monitoruar jetën në nivele kuantike, duke hapur rrugë për aplikime të reja në mjekësi dhe biologji.
Tensioni mes dy divave të muzikës shqiptare, Adelina Ismaili dhe Leonora Jakupi, duket se është ende i gjallë – edhe pas më shumë se 17 vitesh nga përplasja e famshme që bëri bujë në mediat shqiptare.
E ftuar në një intervistë për “Radio Dukagjini”, Adelina u vu në siklet kur një dëgjues kërkoi të dijë për raportet e saj aktuale me Leonorën. Me një të qeshur ironike, Adelina u shmang duke thënë:
“Këtë pyetje duhet ta bësh tjetërkund, jo tek unë.”
Por rrjeti shpërtheu kur këngëtarja publikoi një postim të çuditshëm në Instagram:
“Fshesë, fshesë dadës…”
Një frazë e thjeshtë, por që u interpretua si një thumb për largimin e vëllait të Leonora Jakupit nga një pozicion publik.
Pas spekulimeve, reagimi i Adelinës ishte edhe më i fortë:
“Fshesa është për pastrimin e mbeturinave. Ju gazetarë, mos krahasoni një diplomat me një mbeturinë. Tregoni pak nivel, shëroni komplekset.”
Por kulmi erdhi kur Adelina, për herë të parë pas kaq shumë vitesh, zbuloi arsyen e vërtetë të sherrit me Leonorën. Ajo tha se gjithçka nisi në prapaskenat e një koncerti, kur Leonora kishte goditur nënën e saj gjatë një momenti tensioni.
“Ishte një gardërobë e ngushtë. Kur mami i tha ‘kujdes’, Leonora e kapi prej fyti. Aty ndërhyra unë.”
Adelina theksoi se nuk e urren Leonorën, por hodhi hije dyshimi mbi marrëdhënien mes tyre:
“Nuk e kam të qartë nëse jemi rivale. Nuk kam as xhelozi, por çfarë ka ndodhur, ka ndodhur gjithmonë prej palës tjetër.”
Me përfshirjen tashmë edhe të familjarëve në deklaratat publike, duket se rivaliteti mes Adelinës dhe Leonorës është larg përfundimit. Të gjithë pyesin: a do të ketë një përballje të re mes tyre, apo më në fund një pajtim?
Një deklaratë që po trondit Uashingtonin dhe jo vetëm, vjen nga ish-mjeku i Shtëpisë së Bardhë, Dr. Ronny Jackson. Tashmë kongresmen republikan, Jackson ka hedhur një bombë politike dhe mjekësore në një intervistë të fundit, duke pohuar se Presidenti Joe Biden ndodhet në një gjendje alarmante shëndetësore.
Sipas tij, Biden jo vetëm që nuk është më në gjendje të përballojë presionin e funksionit të presidentit, por ai beson se kreu aktual i Shtëpisë së Bardhë ka vetëm 12 deri në 18 muaj jetë.
“Nuk e them këtë me lehtësi apo për efekt politik. Kam parë nga afër çfarë kërkon kjo detyrë dhe Biden nuk e përballon dot më. Shenjat janë të qarta dhe shumë serioze,” – u shpreh Jackson, i cili ka shërbyer si mjek për tre presidentë amerikanë, përfshirë Barack Obamën dhe Donald Trump.
Shtëpia e Bardhë nuk ka reaguar ende zyrtarisht ndaj deklaratave dramatike të Jackson, por në qëndrimet e mëparshme ka theksuar se Presidenti Biden është në gjendje të mirë shëndetësore për moshën e tij dhe vazhdon të kryejë detyrat me kapacitet të plotë.
Ndërsa debati rritet, një pyetje e madhe mbetet pezull: A po fshihet diçka më e madhe pas buzëqeshjes publike të presidentit më të vjetër në historinë e SHBA?
Lidhja e mundshme mes Gjesti dhe Eglit po kthehet gjithnjë e më shumë në një temë të nxehtë diskutimi, por një detaj i vogël në pamje dhe shumë i madh në domethënie ka tërhequr vëmendjen e të gjithëve.
Në një nga fotot më të fundit, Gjesti është shfaqur me një varëse të veçantë në qafë – një aksesor me disa rruaza, ku ajo që bie më shumë në sy është një shkronjë: “E”. Fansat nuk kanë humbur kohë për ta lidhur këtë detaj me Eglin, duke e parë si një shenjë të qartë që ndjenjat mes tyre nuk janë fikur pas BBV, por ndoshta janë thelluar edhe më shumë.
Ky “aksesori i pafajshëm” është komentuar si një gjest i heshtur, por kuptimplotë, që i jep më shumë peshë thashethemeve për një romancë të vazhduar larg syve të publikut.
A është kjo mënyra e Gjestit për të shprehur ndjenjat pa thënë asnjë fjalë? Apo thjesht një koincidencë që po interpretohet më shumë seç duhet?
Për momentin, mbetet të presim ndonjë reagim – ose ndonjë tjetër detaj që flet më shumë se fjalët…
Pas mbylljes së spektaklit “Big Brother VIP Albania 4”, Neda Balluku ka vendosur të flasë pa filtra për eksperiencën brenda formatit dhe për marrëdhënien e saj me opinionistin Arbër Hajdari.
E ftuar në emisionin “Ftesë në 5”, Neda tregoi për herë të parë detaje që publiku nuk i kishte dëgjuar më parë.
“S’e prisja kurrë, por Arbri më dha një ndjesi shumë të ngrohtë që në momentin e parë. Pinim kafen bashkë, flisnim për jetën, fëmijët, pasionet. Ishte një lidhje që shkoi përtej spektaklit,” – rrëfeu ajo.
Neda theksoi se Arbri ka treguar gjithmonë respekt dhe përkujdesje në çdo komunikim me të.
“Ndihesha e vlerësuar pranë tij. Ka një mënyrë shumë njerëzore për të të bërë të ndihesh mirë,” – shtoi ajo, duke e përshkruar njohjen me opinionistin si një nga vlerat më të mëdha që mori nga eksperienca e BBVA.
Influencerja dhe modelja Xheneta Fetahu ka tërhequr sërish vëmendjen në rrjetet sociale me një postim të ri mjaft provokues në Instagram. Ajo ka publikuar disa foto ku shfaqet në formë perfekte dhe me një paraqitje mjaft tërheqëse, që menjëherë ka marrë vëmendjen e ndjekësve të saj.
Ajo ka shkruar në përshkrimin e postimit:
“Këto foto janë inspirim për shumë njerëz”, një deklaratë që ka shkaktuar reagime të ndryshme në komente — nga komplimentet për vetëbesimin e saj, deri te diskutimet për mesazhin që ajo synon të përcjellë.
Me një numër të madh ndjekësish dhe ndikim të fortë në rrjete sociale, Xheneta duket se po e përdor platformën e saj për të ndarë më shumë se thjesht bukuri — por edhe mesazhe motivuese për vetëpranim dhe vetëbesim.
Pas largimit të bujshëm nga Top Channel dhe shkëputjes nga formati
që e identifikoi për vite me radhë, Big Brother VIP,
emri i Arbana Osmanit ka qenë vazhdimisht në qendër të vëmendjes.
Pyetja që shumë fansa i drejtojnë vazhdimisht është: Kur do ta shohim sërish në ekran?
Duket se pritjes po i vjen fundi. Sipas burimeve për “Prive”, Arbana është në bisedime të avancuara për një rikthim televiziv në sezonin e shtatorit dhe këtë herë jo në platformën ku u bë e njohur.
Burimet thonë se Tv Klan është televizioni i përzgjedhur, dhe se një takim i fundit zhvilluar javën e kaluar ka vendosur bazat e bashkëpunimit të ri. Edhe pse marrëveshja përfundimtare ende nuk është zyrtarizuar, sinjalet janë pozitive.
