Category: Showbizz

Një nga momentet më prekëse të episodit të fundit të “She’s On Top” erdhi nga Artenisa Bardhi, 23-vjeçarja nga një fshat i thellë në Dibrën e Veriut, që preku publikun me një rrëfim të sinqertë, të dhimbshëm dhe frymëzues.

Me zë të qetë, por zemër të fortë, Artenisa tregoi historinë e saj – një jetë mes sakrificave, paragjykimeve dhe luftës për të ndjekur një ëndërr që, për shumë vajza, mbetet vetëm një dëshirë e heshtur.

“Në diell, në shi, në dëborë… çdo ditë ecja një orë për të shkuar në gjimnaz. Nuk dorëzohesha. Doja të bëhesha dikush,” tha ajo me një buzëqeshje që mezi mbante lotët.

Por kur erdhi koha për universitetin, pengesa më e madhe nuk ishte distanca apo kushtet – ishte refuzimi nga i ati.

“Më tha që s’kisha pse të vazhdoja shkollën. Se për vajzat mjafton të krijojnë familje. Nuk ia vë faj… por dhemb.”

Për muaj të tërë, Artenisa jetoi me ndjesinë e një ëndrre të pamundur. Megjithatë, ajo nuk hoqi dorë. Vazhdoi të ëndërronte për modën, për një jetë ndryshe, për një vetvete që nuk përshtatej me kufijtë që i ishin imponuar.

“Sfiloja gjithë ditën në fshat… ishte mënyra ime për të mos u dorëzuar.”

Momenti i kthesës erdhi kur ajo gjeti punë në Tiranë dhe vendosi të largohej.

“Mami më kuptoi. Por babi… nuk më foli për 6 muaj. Ajo ishte periudha më e vështirë e jetës sime.”

Sot, Artenisa është në kryeqytet, duke ndjekur pasionin e saj, pa u kthyer mbrapa. Ajo nuk është vetëm një konkurrente në një reality show – ajo është zëri i shumë vajzave që guxojnë të ëndërrojnë, edhe kur bota u thotë të heshtin.

“Nuk do të ndalem. Dua të jem dikush. Për veten time.”

Një udhëtim luksoz në Dubai është kthyer në një makth për banoren e “Ferma VIP 2”, Nur Al Khazal. Ajo u fotografua vetëm pak ditë më parë duke shijuar pushimet me shoqen e saj të ngushtë, por askush nuk e kishte imagjinuar se pas këtyre momenteve fshihej një situatë e rënduar shëndetësore.

Sipas burimeve të “Prive”, Nur ka pësuar një dëmtim serioz në hundë, zonë ku më parë kishte bërë një ndërhyrje estetike. Komplikacionet e papritura e kanë detyruar atë të shtrohet me urgjencë në spital dhe t’i nënshtrohet një operacioni të dytë kirurgjikal, për të shmangur rrezikun e përkeqësimit.

Aktualisht, Nur po mbahet nën kujdes të rreptë mjekësor në një klinikë në Dubai, dhe pritet të qëndrojë aty edhe për disa ditë derisa të stabilizohet plotësisht.

Fansat dhe ndjekësit e saj janë në pritje të lajmeve pozitive dhe shpresojnë për një rikuperim të shpejtë. Një gjë është e sigurt: kjo përvojë do t’i mbetet gjatë në mendje.

Është gjithmonë interesante të shohësh se si mbyllen kapitujt në një marrëdhënie. Ndonjëherë, ndarja është paqësore; ndonjëherë, ngjashëm me një film dramë. Por shumë rrallë ndodh që njëri nga ish-partnerët të mos provojë të “rikthehet” me një mesazh të thjeshtë, shpesh pas mesnate…

Një djalë nga Tirana ka ndarë me JOQ.al bisedën me ish-të dashurën, e cila është kthyer në virale për shkak të përgjigjes epike që mori. Ai vendosi t’i shkruante ish-it pas një kohe të gjatë:

“O la po ku je?”

Por, ajo nuk ia përtoi. Dhe mesazhi i saj është gjithçka përveç nostalgjik:

“Po mirë, je normal ore që shkruan në këtë orë?

Lali, e kam burrin në krevat dhe nuk kërkoj d’ashnor, flije mendjen nga kjo anë. Do rrish në fb, rri, s’do, ik vlla.”

Reagimi i djalit? Edhe ai vendosi të mos heshtë… dhe vazhdimi i bisedës është një tjetër kapitull interesant që tregon se disa gjëra ndoshta duhen lënë pas.

Valbona Hoxha, mbesa e ish-diktatorit Enver Hoxha, është sot një figurë krejt ndryshe nga trashëgimia e saj familjare. Mjeke dhe psikoterapiste me një profil profesional aktiv në Instagram, Valbona ka zgjedhur të flasë për mirëqenien mendore, ndërkohë që ndjekësit shqiptarë shpesh e përballin me të kaluarën e saj familjare.

Pas publikimit të një fotografie në llogarinë e saj të punës, aktiviteti në profil është rritur ndjeshëm dhe komentet kanë nisur të mbërrijnë çdo ditë — shumë prej tyre të mbushura me mllef dhe kujtime të dhimbshme të regjimit komunist.

“Gjyshi yt i ka duart e lara me gjakun e shqiptarëve”, shkruan një ndjekës në njërin nga komentet e fundit.

Por si reagon Valbona? Me heshtje. Psikoterapistja nuk i kthen përgjigje asnjërit prej komenteve që lidhen me figurën e Enver Hoxhës. Ajo zgjedh t’i injorojë plotësisht, ndërkohë që i përgjigjet me kujdes dhe përfshirje komentuesve të tjerë që flasin për shëndetin mendor, terapinë apo temat profesionale.

Ky “reagim i heshtur” ka ngritur diskutime të ndryshme në rrjet: a është kjo një strategji e qëllimshme për të mos hapur plagë të vjetra, apo thjesht një mënyrë për të mbrojtur veten?

Bota e filmit është tronditur nga ndarja nga jeta e aktores së njohur Valerie Mahaffey. Publicisti i saj konfirmoi për The Hollywood Reporter se ajo u nda nga jeta të premten në Kaliforni, pasi iu diagnostikua me kancer.

Në një deklaratë për Variety, bashkëshorti i saj, Joseph Kell, u shpreh me dhimbje:

“Kam humbur dashurinë e jetës sime, ndërsa Amerika ka humbur një nga aktoret e saj më tërheqëse. Ajo do të na mungojë pafund.”

Ndërsa vajza e tyre, Alice, shkroi në Facebook një mesazh prekës:

“Nuk kam fjalë… Kanceri është i tmerrshëm. Do të të kërkoj në çdo moment të bukur të jetës. E di që aty do të jesh.”

Valerie Mahaffey ishte një emër i njohur në televizionin amerikan, ku spikati me rolet e saj në “Desperate Housewives”, “Young Sheldon”, “Big Sky” dhe shumë të tjera. Në vitin 1992, ajo u nderua me çmimin Emmy për rolin e Evës në serialin Northern Exposure, duke hyrë në zemrat e miliona shikuesve.

Në rrjetet sociale po qarkullojnë zëra të fortë për një lidhje të mundshme mes gazetarit Ronaldo Sharka dhe ish-banores së “Big Brother VIP Albania”, Rike Roçi.

Shkak për këto aludime është bërë një foto e publikuar nga vetë Ronaldo, ku shihet në shoqërinë e Rikes gjatë pushimeve në Spanjë. Në imazh, dyshja shfaqet shumë pranë njëri-tjetrit, duke i shtyrë ndjekësit të mendojnë se mes tyre mund të ketë më shumë sesa miqësi.

Megjithëse as Ronaldo dhe as Rike nuk kanë konfirmuar apo mohuar asgjë, mënyra e afërt se si pozojnë së bashku ka ndezur diskutime të shumta në rrjet, me fansat që tashmë pyesin: “A po lind një romancë e re në showbiz?”

Roela dhe Vedati, një nga çiftet më të dashur të krijuar nga programi “Për’puthen”, kanë ndarë me publikun një nga momentet më të rëndësishme të jetës së tyre. Çifti konfirmoi pritjen e ëmbël gjatë një feste emocionuese, e cila u transmetua këtë të diel në emisionin “E Diell”.

Në një ceremoni të organizuar me shumë kujdes dhe dashuri, Roela dhe Vedati zbuluan edhe gjininë e bebit që presin. Emocionet nuk përfunduan aty, pasi momenti kulmor i mbrëmjes ishte kur Vedati i kërkoi Roelës dorën për martesë.

Me sytë e mbuluar dhe e rrethuar nga miqtë dhe stafi i Top Channel perreth Roela mbeti pa fjalë kur Vedati u gjunjëzua dhe i propozoi, ndërsa të gjithë shpërthyen në duartrokitje dhe lot gëzimi.

Dashuria e tyre, e lindur në ekran, duket se po lulëzon përtej kamerave dhe po shndërrohet në një jetë të re – në çdo kuptim të fjalës. Fansat i kanë përgëzuar në rrjetet sociale dhe janë në pritje të detajeve të dasmës së ardhshme.

Kliko linkun per te parë videon:

https://www.instagram.com/reel/DKXKOFZMyyT/?igsh=MWR6b2QxNDFjcDAybA==

“E lashë gjithçka pas kur humba nënën time… dhe pashë me sytë e mi se si sistemi dështoi.”

Ervina Kotolloshi, e njohur nga publiku shqiptar për rolin e Ponjës në spektaklin humoristik “Portokalli”, ka bërë një rrëfim të rrallë dhe prekës që ka tronditur opinionin.

E ftuar në emisionin “Abc-ja e mëngjesit”, aktorja zbuloi për herë të parë arsyen e largimit të saj nga Shqipëria në kulmin e karrierës.

Një aksident rrugor i mori jetën mamasë së saj. Por ajo që pasoi ishte edhe më e dhimbshme për të: një sistem që nuk funksionoi, një drejtësi që nuk dha drejtësi, dhe një gjyqtar që i tha:

“Mamaja juaj nuk ka vdekur nga aksidenti.”

“Personi që e aksidentoi nuk kishte patentë, kishte konsumuar alkool dhe nxitonte për të parë një ndeshje të Botërorit. Mami im vuajti dy muaj në spital para se të ndërronte jetë… dhe fajtori nuk bëri asnjë ditë burg.”

Sot, Ervina jeton në Paris, jep mësim në universitet, por mban me vete një plagë të thellë dhe një ndjenjë zhgënjimi që nuk shërohet.

Më vjen keq që nuk e mediatizova atë kohë… duhej të reagoja fort, sepse institucionet nuk funksionuan.”

♈ Dashi

Ky muaj sjell vendime të forta në dashuri dhe një ndryshim të madh në punë! Do t’ju kërkohet të merrni përgjegjësi të reja – a jeni gati të tregoni veten?

💌 Një mesazh nga ish-i do t’ju tronditë – do e rihapni derën apo jo?

💸 Shpenzime në rritje në fillim, por qetësi pas mesit të muajit.

🧠 Stresi akumulohet në shpatulla – bëni shtrirje çdo mëngjes.

♉ Demi

Një muaj i mbushur me surpriza – dikush nga puna do t’ju afrohet më shumë se zakonisht…

💼 Projektet kërkojnë fleksibilitet – jeni të gatshëm të ndryshoni drejtim?

💸 Mund të merrni një shumë që s’e prisnit fare – kushdo që ju ka borxh, mos u habitni nëse ju troket.

💞 Flirt i ri, me bazë të fortë emocionale.

😴 Gjumë i trazuar – hiqni dorë nga celulari për një orë para gjumit.

♊ Binjakët

Kjo është koha për të dalë nga zona e rehatisë – një udhëtim mund të ndryshojë gjithçka!

✈️ Një ofertë bashkëpunimi del papritur – mos thoni “jo” menjëherë.

💸 Të ardhura shtesë, por shpenzimet mund të shpërthejnë në fund muaji.

💬 Marrëdhëniet vendosen përballë një të vërtete – guxoni të flisni.

🌦 Ndikoheni shumë nga moti – bëni kujdes me energjinë tuaj.

♋ Gaforrja

Nën presion! Në punë do t’ju analizojnë deri në detaje. Mos lini asgjë pas dore.

💸 Shpenzime të papritura familjare do t’ju bëjnë llogaritë rrëmujë.

❤️ Dashuria është e ëmbël… por xhelozia mund ta shpërthejë gjithçka.

⚠️ Kujdes me tretjen! Shmangni stresin dhe dietat e rënda.

♌ Luani

Një ofertë që nuk vjen shpesh! Një mundësi e madhe po ju afrohet – bëhuni gati ta kapni!

💰 Financat janë në rregull… derisa të vijë fundi i muajit.

💞 Një dashuri nga e kaluara troket në derë. Do ia hapni apo jo?

🏋️‍♀️ Sporti është qetësia juaj – mos e neglizhoni.

♍ Virgjëresha

Do të dalloheni! Një raport ose analizë do të tregojë sa vleni vërtet.

💸 Kontrolloni dy herë çdo shpenzim – mos u mashtroni nga blerjet e momentit.

❤️ Nëse nuk flisni hapur me partnerin, mund të krijoni distancë të padukshme.

🍽️ Shmangni mëngjeset me nxitim – stomaku juaj kërkon kujdes.

♎ Peshorja

Një test i vërtetë për aftësitë tuaja udhëheqëse! Jepuni të gjithëve një arsye për të besuar te ju.

💸 Një burim i ri të ardhurash do t’ju ndihmojë… por një shpenzim i papritur do t’ju befasojë.

💘 Një lidhje e re mund të lindë online ose në distancë – mos e nënvlerësoni.

😴 Jeni të lodhur – mos i bëni të gjitha vetë!

♏ Akrepi

Ndryshime nga lart – dhe ju në mes të furtunës. Mos u trembni, është koha për të luajtur zgjuar.

💻 Teknologjia dhe udhëtimet do të kërkojnë shpenzime të mëdha.

❤️ Partneri kërkon transparencë – hapini zemrën.

🧠 Tensioni mendor po ju mbyt – gjeni një mënyrë për të çliruar stresin.

♐ Shigjetari

Rikthim në lojë! Një ndryshim i ambientit të punës ju frymëzon – ky është muaji për të rritur ritmin.

💸 Shpenzime udhëtimi? Po, por mund të ktheni çdo cent pas.

💞 Një njohje e re e fuqishme – klikimi është i menjëhershëm!

🔥 Mos i mbani energjitë brenda – lëvizni, eksploroni, jetoni!

♑ Bricjapi

Negociatat janë në favorin tuaj! Por vetëm nëse flisni qartë dhe pa luhatje.

💸 Financat janë të qëndrueshme, por mos bëni investime të pamenduara.

💍 Partneri/ja sugjeron një hap të madh – bashkëjetesë, martesë apo edhe… fshat?

🏃 Dhimbjet në shpinë? Duhet më shumë aktivitet fizik, jo më shumë qëndrim ulur!

♒ Ujori

Kreativiteti juaj vihet në provë! Rregullat e reja nuk ju frenojnë, ju sfidojnë.

💸 Menaxhimi i shpenzimeve është arma juaj për një verë pa stres.

❤️ Një ish mund të rikthehet – a është kjo një provë apo një mundësi e dytë?

🧘‍♀️ Truri juaj ka nevojë për qetësi – gjejeni hapësirën tuaj personale.

♓ Peshqit

Gati për një fillim të ri? Një ofertë pune ose ndryshim ekipi po vjen!

💰 Të ardhurat shtesë janë në horizont – mundësitë janë aty, kapini!

💗 Marrëdhënia përforcohet nga mbështetja e ndërsjellë – ndiheni të dashur dhe të vlerësuar.

🌊 Natyra është ilaçi juaj – shkoni në det, liqen ose mal!

Një lajm fantastik për tifozët kuqezi!

Pas vendimit të FIFA-s për të dënuar FSHF-në me mbylljen e 20% të stadiumit për shkak të sjelljeve diskriminuese në sfidën ndaj Andorrës, situata ka marrë një kthesë pozitive.

Negociatat intensive të FSHF-së kanë dhënë rezultat!

FIFA ka vendosur të lehtësojë masat dhe t’i japë “dritën jeshile” mbushjes së tribunave pas portave për ndeshjen super të rëndësishme Shqipëri–Serbi, që do të luhet më 7 qershor në “Arenën Kombëtare”, në orën 20:45.

Tifozët që kishin frikë se do ta humbnin këtë sfidë epike, tashmë mund të marrin frymë lirisht – stadiumi do të jetë plot dhe atmosferik, siç vetëm shqiptarët dinë të krijojnë.

📢 Sipas marrëveshjes së re, zonat e parashikuara për mbyllje do të mbushen me përfaqësues të komuniteteve dhe organizatave kundër diskriminimit, së bashku me tifozët besnikë të Kombëtares.

Një mesazh i fuqishëm për të treguar se mbështetja dhe respekti mund të bashkëjetojnë në të njëjtin stadium!

🇦🇱 Shqipëria ka nevojë për ty – bëhu zëri i Kombëtares, jo urrejtjes!