Artan Kola është kthyer në një nga personazhet më të komentuar të këtij edicioni të “Big Brother VIP”, por ditën e djeshme vëmendjen kryesore nuk e mori loja e tij, por partnerja e tij e jetës.
E ftuar në studion e “Fan Club” për të folur rreth rrugëtimit të bashkëshortit të saj brenda shtëpisë së famshme, ajo tërhoqi menjëherë vëmendjen me sharm dhe elegancë, e veshur me një kostum ngjyrë rozë të ndezur.
Përveç mbështetjes së pakusht për Artanin, ajo spikati për prezencën fizike dhe stilin e saj. Me një trup të hijshëm, qëndrim të qetë dhe mënyrë të artikuluar, zonja mori komplimente të shumta, si në studio, ashtu edhe në rrjetet sociale.
Në fotot e shkrepura gjatë emisionit, ajo shihet krah moderatores, duke rrezatuar elegancë dhe duke konfirmuar fjalët e Artanit, i cili shpesh ka përmendur me krenari gruan e tij brenda shtëpisë.
