Një video e publikuar nga blogeri Olti Curri po bën xhiron e rrjeteve dhe ka ndezur debat mes ndjekësve të reality show-t Big Brother VIP Albania. Në qendër të diskutimit këtë herë janë dy nga banoret e shtëpisë, Brikena Selmani dhe Baby G
Në video Brikena dëgjohet teksa rrëfen një moment që, sipas saj, ka ndodhur pranë dhomës së rrëfimit. Ajo tregon se ka kaluar pranë asaj zone dhe pretendon se ka dëgjuar Baby G duke folur me motrën e saj. Sipas Brikenës, në atë bisedë motra e këngëtares i kishte thënë: “Be cool with Briki.”
Deklarata ka ngritur menjëherë pikëpyetje mes publikut dhe ndjekësve të programit, pasi në formatin e “Big Brother VIP Albania” banorët nuk lejohen të komunikojnë drejtpërdrejt me familjarët gjatë qëndrimit në shtëpi, përveç rasteve të veçanta që organizohen nga produksioni dhe transmetohen publikisht.
Megjithatë, përtej asaj që mund të jetë thënë në bisedë, ajo që ka tërhequr më shumë vëmendje është fakti që Brikena e ka deklaruar këtë situatë hapur para kamerave, duke pretenduar se ka dëgjuar një komunikim të tillë nga dhoma e rrëfimit.
Pas publikimit të videos në profilin e Olti Currit, reagimi i Baby G nuk ka munguar. Këngëtarja ka hedhur poshtë pretendimin e Brikenës.
“Why is she lying!” – ka shkruar Baby G në anglisht, duke lënë të kuptohet se sipas saj deklarata e Brikenës nuk është e vërtetë.
Debati pritet të vazhdojë edhe në ditët në vijim, ndërsa publiku pret të shohë nëse situata do të sqarohet brenda shtëpisë së Big Brother VIP Albania, apo nëse do të mbetet një nga misteret dhe polemikat e radhës të këtij sezoni.
