Author: [email protected]

Mesditën e sotme në plazhin Kathisma të Lefkadës në Greqi, një 30-vjeçar ka humbur jetën tragjikisht pasi u mbyt nga dallgët e forta për shkak të motit të keq, teksa notonte.

I riu me origjinë nga Trikalla kishte shkuar në Lefkadë me miqtë për të festuar së bashku festën e beqarisë, të cilën e kishin planifikuar prej kohësh, pasi javën e ardhshme pritej të martohej.

Sipas miqve të tij, të cilët ishin të pranishëm në momentin tragjik, ata të tmerruar e panë 30-vjeçarin të nxirrej në breg nga dallgët, pa ndjenja.

Roja bregdetare dhe ekipi i urgjencës mjekësore (EKAV) arritën ta nxjerrin nga uji dhe ta transportojnë me ambulancë në spitalin e Lefkadës, por i riu kishte ndërrur jetë.

Nga aksidenti i rëndë rrugor që ndodhi në orët e para të mëngjesit pranë qytetit Koblenz, në Gjermani, ku humbën jetën tre shtetas shqiptarë dhe disa të tjerë mbetën të plagosur, dalin detaje të reja rreth ngjarjes.

Sipas raportimeve, viktimat janë një burrë 53-vjeç dhe dy gra të moshës 47 dhe 65 vjeç. Ata, së bashku me gjashtë persona të tjerë të moshës nga 20 deri në 66 vjeç, po ktheheshin nga një festë familjare në landin e Hessenit.

Aksidenti ndodhi rreth orës 03:05 të mëngjesit, kur një minibus me nëntë pasagjerë doli nga rruga në të djathtë dhe më pas u përmbys. Policia gjermane ka bërë me dije se asnjë automjet tjetër nuk ishte i përfshirë në aksidentin fillestar, por një makinë tjetër kaloi mbi ‘rrënoja’ pak pas ngjarjes.

Shkaqet e aksidentit janë ende të paqarta, ndërsa autoritetet janë duke vijuar hetimet për të sqaruar plotësisht rrethanat. Gjithashtu, ende nuk janë konfirmuar plotësisht identitetet e disa prej personave që ndodheshin në automjet, ku mësohet se përveç shqiptarëve, kishte edhe shtetas të tjerë të huaj.

Ministria për Evropën dhe Punët e Jashtme e Shqipërisë ka konfirmuar humbjen tragjike të jetëve dhe ka shprehur ngushëllimet më të sinqerta për familjet e viktimave, si dhe ka uruar shërim të shpejtë për të plagosurit. Konsullata dhe Ambasada shqiptare në Gjermani po vijojnë bashkëpunimin me autoritetet vendase për të ndihmuar qytetarët e prekur nga kjo ngjarje e rëndë.

Ministria për Evropën dhe Punët e Jashtme është informuar nga autoritetet gjermane për një aksident të rëndë rrugor të ndodhur në orët e para të mëngjesit të datës 25 maj, pranë qytetit Koblenz, ku janë përfshirë disa shtetas shqiptarë.

Me keqardhje njoftojmë se si pasojë e këtij aksidenti kanë humbur jetën tre shtetas shqiptarë, ndërsa katër të tjerë janë plagosur dhe po marrin trajtim në spitalet lokale.

Noa.al citon zyrtarët që thanë se një burrë 53-vjeçar dhe dy gra të moshës 47 dhe 65 vjeç u vranë.

Gjashtë personat e tjerë ishin midis moshës 20 dhe 66 vjeç dhe nuk u plagosën rëndë. Megjithatë katër prej tyre ndodhen në gjendje serioze në spital.

Mjeti i përfshirë ishte një minibus me nëntë vende.

Grupi po kthehej nga një festë familjare në shtetin e Hessen në orën 03.00 të së dielës kur ndodhi aksidenti.

Nuk kishte indikacione se shoferi 22-vjeçar ishte nën ndikimin e alkoolit ose drogës, tha policia, duke i kërkuar publikut të mos përfshihej në spekulime.

“Është një aksident shumë, shumë i tmerrshëm”, tha një zëdhënës i policisë së Koblenzit.

Shkaku i aksidentit është ende i paqartë dhe identiteti i disa personave në minibus nuk është konfirmuar ende. Zëdhënësi i policisë tha në mëngjes se midis viktimave kishte shtetas të huaj gjë që sot pasdite vonë u konfirmua nga autoritetet shqiptare.

Gjetjet fillestare treguan se minibusi kishte dalë nga autostrada A48 dhe ishte përmbysur. Asnjë automjet tjetër nuk ishte i përfshirë. Megjithatë, një automjet tjetër kaloi mbi rrënoja pak pas aksidentit.

Ambasada e Republikës së Shqipërisë në Berlin dhe Konsullata e Përgjithshme në Mynih kanë qenë në kontakt të vazhdueshëm me autoritetet gjermane dhe kanë ndjekur nga afër zhvillimet. Hetimet për rrethanat e aksidentit janë ende në vijim.

Ministria për Evropën dhe Punët e Jashtme shpreh ngushëllimet më të sinqerta për familjet e viktimave dhe uron shërim të plotë për të plagosurit.

Strukturat tona konsullore kanë ofruar mbështetjen e nevojshme për qytetarët e prekur dhe kanë qenë të angazhuara gjatë gjithë ditës për të ndihmuar në menaxhimin e situatës.

Për çdo informacion shtesë, lutemi të kontaktoni në: +49 1523 79 13 997

Një ngjarje e rëndë është shënuar më 21 maj 2025 në fshatin Kamenicë, ku një fëmijë i mitur, vetëm 2 vjeç, ka rënë aksidentalisht nga ballkoni i katit të dytë të banesës së tij.

Për pasojë, i mituri ka pësuar dëmtime dhe është transportuar menjëherë drejt spitalit për të marrë ndihmën mjekësore të nevojshme.

Fatmirësisht, burime nga spitali bëjnë me dije se fëmija ndodhet jashtë rrezikut për jetën dhe po trajtohet nën kujdesin e mjekëve.

Aktori Laert Vasili, njëkohësisht edhe ish-finalist i Big Brother VIP 4

ka qenë së fundmi i ftuar në emisionin “Abc e Mëngjesit”, ku u pyet nëse do të merrte pjesë në një Big Brother “All Stars”.

Gjatë bisedës në studio, Laerti foli edhe për një bisedë me këngëtarin dhe fituesin e Big Brother VIP 2, Luiz Ejllin.

“Luizi më kontaktoi pardje edhe kur e kam parë gjatë bisedës që patëm ishte shumë çun king bravo. Nuk e prisja se nuk njihemi, njihemi nga larg. Bravo i qoftë!”, tha Laerti

Pas përfundimit të Eurovision 2025, ku Izraeli u rendit i dyti me 357 pikë në total — vetëm 60 nga juritë dhe 297 nga televotimi i publikut — kanë shpërthyer diskutimet për transparencën e votave, veçanërisht në lidhje me mënyrën se si u mbështet kënga izraelite nga publiku.

Ky diferencim i madh midis votave të jurisë dhe atyre të publikut ka ngritur dyshime serioze për procesin e televotimit, duke ndezur kritika dhe tensione, sidomos nga RTVE, transmetuesi publik i Spanjës.

Sipas mediave ndërkombëtare, RTVE ka kërkuar një audit zyrtar nga organizata që merret me televotimin e Eurovisionit, në bashkëpunim me Unionin Evropian të Transmetimeve (EBU).

Qëllimi i auditimit është të sqarohen dyshimet për rezultatin e televotimit spanjoll, pasi pretendohet se publiku në Spanjë nuk e ka mbështetur këngën izraelite, ndonëse ajo rezultoi me mbështetje masive në total.

RTVE ka konfirmuar se gjatë finales së së shtunës, janë marrë 142,688 vota nga publiku spanjoll.

Megjithatë, raporti fillestar i dhënë nga EBU nuk specifikonte saktësisht për cilat shtete kanë shkuar këto vota, duke sjellë pasiguri dhe dyshime për legjitimitetin e procesit.

Bashkimi Europian ka reaguar për herë të parë duke vlerësuar si pozitive zgjedhjet e zhvilluara më 11 maj në Shqipëri.

Zëvendëspresidentja Kaja Kallas dhe Komisioneria Marta Kos, e vlerësojnë si një proces transparent, gjithëpërfshirës dhe i organizuar në mënyrë të mirë.

“Zgjedhjet u menaxhuan përgjithësisht në një mënyrë gjithëpërfshirëse dhe transparente, dita e zgjedhjeve ishte e qetë dhe e organizuar mirë, pavarësisht disa mangësive. Zgjedhjet në përgjithësi ishin konkurruese dhe të zhvilluara në mënyrë profesionale dhe kandidatët në përgjithësi ishin në gjendje të bënin fushatë lirisht”, theksohet në deklaratën e BE.

Në këtë mënyrë, Bashkimi Europian i jep një “goditje” Sali Berishës i cili vazhdon “avazin e vjetër” duke deklaruar se Rama i ka vjedhur votat, megjithëse socialistët kanë një diferencë të thellë me rreth 300 mijë vota para demokratëve.

“Të gjitha forcat politike duhet të sigurojnë funksionimin e vazhdueshëm të institucioneve të vendit. Ne e inkurajojmë Shqipërinë të vazhdojë të ndjekë të gjitha reformat e nevojshme për anëtarësimin e saj të ardhshëm në BE, duke përfshirë miratimin e një reforme të mëtejshme zgjedhore që adreson të gjitha rekomandimet kryesore të ODIHR-it dhe ato që janë ende të pazgjidhura nga zgjedhjet e mëparshme. Procesi i integrimit të Shqipërisë në BE është një objektiv strategjik kombëtar dhe një projekt për të gjithë shoqërinë, i cili mbështetet fuqimisht nga qytetarët e Shqipërisë”, thekson BE.

Kryeministri Edi Rama ka ndarë sot lajmin fantastik lidhur me faktin se marrëveshja e pensioneve me Italinë nis zbatimin nga 1 Qershori 2025.

Rama pohon se ky është një lajm i mirë ndërsa shton se homologia e tij italiane Georgia Meloni e solli dokumentin final ditën e Samitit Evropian në Tiranë.

“Motra solli në Tiranë dokumentin final të procesit të gjatë ligjor mbi zbatimin e Marrëveshjes së Pensioneve me Italinë, që do të thotë se nga 1 qershori 2025 shqiptarët e Italisë do të nisin të përfitojnë nga kjo marrëveshje kuptimplotë për nivelin e ri të marrëdhënieve mes Shqipërisë e Italisë”, shkruan Rama.

Marrëveshja për njohjen e pensioneve mes Shqipërisë dhe Italisë do të nisë zbatimin në muajin Qershor të këtij viti dhe nga kjo marrëveshje pritet të përfitojnë mbi 500 mijë shqiptarë.

Gjesti, fituesi i edicionit të fundit të “Big Brother VIP Albania”, ka prekur zemrat e publikut me historinë e tij të jetës. Edhe pse nuk ka përfunduar arsimin formal, ai ka arritur të fitojë dashurinë dhe respektin e miliona shqiptarëve.

MOS HARRONI TË KOMENTONI MENDIMIN TUAJ!0

I rritur në kushte të vështira ekonomike dhe pa mbështetje të fortë familjare, Gjesti është shembulli i një njeriu që nuk dorëzohet përballë jetës. Ai ka treguar se ndershmëria, sinqeriteti dhe karakteri i fortë vlejnë më shumë se çdo diplomë.

Gjatë gjithë qëndrimit në shtëpinë e BBVIP, ai dallohej për sjelljen e tij të thjeshtë, pa maska dhe pa kalkulime, duke e bërë atë një nga konkurrentët më të dashur për publikun. Fitorja e tij nuk ishte vetëm një çmim, por një mesazh i fuqishëm për shumë të rinj.

Pas daljes nga formati, Gjesti nuk është ndalur. Ai ka nisur të angazhohet në koncerte dhe projekte muzikore, duke shfrytëzuar vëmendjen që fitoi për të ndërtuar një të ardhme më të mirë.

Në intervistat e para pas fitores, ai është shprehur mirënjohës për publikun që e përkrahu dhe i qëndroi pranë deri në fund. Mesazhi i tij ka qenë i qartë: “Në jetë nuk ka rëndësi nga vjen, por sa i vendosur je të arrish atje ku dëshiron.”

Historia e Gjestit është kthyer në simbol frymëzimi për të gjithë ata që ndihen të lënë pas, të nënvlerësuar apo të pamundur. Ai tregoi se suksesi nuk matet me diploma, por me shpirt dhe zemër.

Dashamir Shehi ka dhënë dorëheqjen nga drejtimi i partisë Lëvizja për Zhvillim Kombëtar (LZHK).

Ndryshe nga Sali Berisha i cili nuk pranon dështimin, Dash Shehi është shprehur se mban përgjegjësi për humbjen katastrofë që pësoi partia e tij në zgjedhjet e 11 majit.

“Zgjedhjet i humbëm prandaj gabimet e mia dje prandaj largohem, i hap rrugë të tjerëve. Nga gjithë zgjedhjet pati një element pozitiv, partitë të reja e çan rrethimin dje bravo i qoftë. Uroj të prodhojnë një sinergji politike më të mirë. Vetëm kjo është e mira këtyre zgjedhjeve”, tha Shehi.

Në zgjedhjet e 11 majit, koalicioni Djathtas për Zhvillim arriti të grumbullonte vetëm 5,530 vota në të gjithë vendin duke mos marrë asnjë deputet.

Kryeministri Edi Rama ka ndarë në rrjetet sociale një video nga Surreli ku ndodhet së bashku me bashkëshorten e tij Linda Rama dhe disa banorë të zonës.

“Unë me katundaren time”, u shpreh kreu i qeverisë, ndërsa iu drejtua qytetarëve që bënin numrin 5 me batutë: “Ulini duart se është heshtje zgjedhore”.

“Katundi jonë ju përshëndet, ulini duart se është heshtje zgjedhore. Ky është katundi jonë, unë me katundaren time këtu dhe ja katundari tjetër këtu, ja dhe katundari tjetër, ja dhe katundari i vogël. Ju urojmë një ditë fantastike nga katundi jonë, Surreli quhet”, u shpreh Rama.