Ndërsa Shqipëria dhe Serbia pritet të përballen sërish në një nga ndeshjet më të nxehta të viteve të fundit, tifozët shqiptarë janë përballur me një surprizë aspak të këndshme: çmimet e biletave kanë kapur qiellin, duke shkuar deri në 1000 euro për një vend në stadium!
Nga një analizë e publikuar nga @jogalbania në Instagram, mësohet se biletat për këtë supersfidë janë ndër më të shtrenjtat në historinë e kombëtares shqiptare. VIP? 1000 euro. Tribunë? 400-850 euro. Pas portës? Akoma nuk dihet, por vështirë të jetë “nën 3-shin” që dikur paguanin serbët.
Për të kuptuar më mirë absurditetin e këtyre çmimeve, është sjellë në vëmendje një krahasim me ndeshjen historike të 14 tetorit 2014, kur Shqipëria dhe Serbia u përballën në Beograd. Atëherë, një biletë VIP në stadiumin “Partizani” kushtonte vetëm 9 euro, ndërkohë që tribuna qendrore shitej për 7 euro, dhe bileta pas portës… vetëm 3 euro!
Gazetari Artan Hoxha ka zbuluar biletën e ruajtur nga ajo kohë si provë për çmimet simbolike që aplikoheshin në Serbi, duke ironizuar:
“Serbët nuk dinin të fitonin nga bileta, stadiumi ishte për të gjithë, i lirë për të varfër e të pasur, jo për Instagram!”
Kjo kontrast i thellë me realitetin shqiptar ka ngjallur debate të forta në rrjet. Pse duhet të paguajë një tifoz shqiptar paga mujore vetëm për të parë një ndeshje? A po përjashtohet tifozëria e zakonshme nga stadiumi, në favor të VIP-ave dhe Instagramit?
Në një koment ironik në postim thuhet:
“Kur e mendoj, në ndeshjen me Andorrën kishim bileta 100 euro në karshi!! Kemi ec përpara, mor vëlla, po këta çmime nuk i ka as Premier League…”
Në fund, pyetja që lind është e thjeshtë: A është bërë futbolli për t’u parë nga populli, apo vetëm për elitën me para? Tifozët kanë vetëm një përgjigje: “Ku janë çmimet e Beogradit?”
1,000 dinarë serbë (RSD) janë afërsisht 860–870 lekë shqiptare (ALL), në varësi të kursit të këmbimit të ditës.
