Author: Shqiperia Sot

Në një zhvillim që po trondit botën e futbollit, burime pranë klubit amerikan Inter Miami kanë zbuluar se Cristiano Ronaldo është në bisedime të avancuara për një transferim surprizë në SHBA – vetëm pak muaj para Kupës së Botës për Klube 2025 që do zhvillohet pikërisht në Amerikë.

Por ajo që e bën këtë lajm tronditës nuk është vetëm transferimi në MLS… por emri që e pret aty: Lionel Messi!

A është ky rivali më i madh i Ronaldos, apo partneri i ardhshëm në një super-dyshe që do elektrizojë futbollin amerikan?

Sipas raportimeve, Inter Miami ka kontaktuar kampin e Ronaldos me një ofertë që do thyente çdo rekord në historinë e klubit, ndërsa vetë ylli portugez duket i joshur nga ideja për të mbyllur karrierën me një kapitull të ri historik – ose si bashkëpunëtor, ose si sfidues direkt i Messit në të njëjtin kampionat.

👉 A do të ribashkohen dy legjendat për herë të parë në një skuadër?

👉 Apo ky do jetë dueli i fundit, aty ku futbolli dhe spektakli bashkohen?

💥 Përgatituni për verën më të nxehtë në historinë e futbollit… sepse nëse Ronaldo zbarkon në Miami, bota ndalon së rrahuri për një sekondë!

Një variant i ri i Covid i njohur si NB.1.8.1 është përhapur në Shtetet e Bashkuara të Amerikës. Në krahasim me variantin që dominon aktualisht në SHBA (LP.8.1) mediat amerikane shkruajnë se NB.1.8.1 ka një numër të vogël mutacionesh të reja në proteinën spike që mund të rrisin aftësinë e tij për t’u lidhur me qelizat tona.

Qendra për Kontrollin dhe Parandalimin e Sëmundjeve dyshon se këto mutacione do të rrisin transmetueshmërinë e virusit dhe do të zvogëlojnë efektivitetin e antitrupave neutralizues që parandalojnë patogjenët të kapen në qelizat tona. Studimet thonë mediat amerikane sugjerojnë se varianti mund të jetë I aftë të shmangë disa prej mbrojtjeve imune.

Ndërkohë shenjat e NB.1.8.1 sipas një eksperti për sëmundjet infektive dhe studiuesi të lartë në Qendrën për Sigurinë Shëndetësore të Universitetit Johns Hopkins janë pak a shumë të njëjta me ato që shihen me variantet e tjera të Sars CoV 2. Dy më kryesoret janë një kollë e thatë e lehtë, por e vazhdueshme dhe bllokim hundësh. Shumë njerëz që preken nga COVID preken gjithashtu nga lodhja dhe rraskapitja. Simptoma të tjera të zakonshme përfshijnë ethe, të dridhura, dhimbje fyti dhe dhimbje muskujsh.

Sipas Organizatës Botërore të Shëndetësisë nuk ka prova që sugjerojnë se varianti shkakton sëmundje më të rëndë ose një rritje të shtrimeve në spital ose vdekjeve . Sa i përket efektivitetit të vaksinave sipas specialisteve është ende herët për të folur pasi varianti është ende i ri dhe studimet janë të kufizuara. Megjithatë shkencëtarët sipas medias amerikane presin që vaksinat të reagojnë mirë dhe ndaj NB.1.8.1.

Një ngjarje e pazakontë ka tërhequr vëmendjen e mediave dhe rrjeteve sociale në mbarë botën, pasi një prezantuese lajmesh në ShBA, Olivia Jaquith, vazhdoi të prezantonte lajmet live për tre orë, edhe pasi i kishin plasur ujerat pak minuta para fillimit të emisionit.

Ngjarja ndodhi në stacionin televiziv CBS6 Albany, ku Jaquith ishte në detyrë si prezantuese e mëngjesit. Ajo filloi të ndiente kontraksione dhe më pas kuptoi se i kishte plasur uji, por zgjodhi të qëndronte në studio dhe të vazhdonte transmetimin informativ, duke informuar audiencën për lajmet e ditës dhe njëkohësisht, për situatën e saj personale.

Jam mirë dhe do të qëndroj në tavolinë sa të mundem, por nëse papritur largohem… e dini se çfarë po ndodh,” u shpreh Olivia me qetësi dhe humor gjatë transmetimit live.

Ngjarja u komentua edhe nga kolegia e saj, Julia Dunn, e cila në hapje të emisionit tha:

“Kemi disa lajme të rëndësishme këtë mëngjes, në kuptimin e plotë të fjalës. Olivias i plasën ujrat dhe aktualisht është duke prezantuar lajmet në mes të lindjes.”

Jaquith tha për gazetën Times-Union se kishte pasur mundësinë të shkonte menjëherë në spital, por vendosi të qëndronte në punë për të kaluar kohën më lehtë:

“Të kisha përkrah gjithë ekipin që bënte humor më ndihmoi të përballoja më lehtë kontraksionet.”

Ajo mendoi fillimisht se bëhej fjalë për kontraksione të rreme, por më pas e kuptoi se lindja kishte nisur vërtet.

Pas përfundimit të edicionit të mëngjesit, Olivia u largua për në spital bashkë me bashkëshortin e saj dhe më pak se 24 orë më vonë solli në jetë djalin e saj, Quincy. Tashmë, vogëlushi është bërë një emër i njohur në rrjet, ndërsa momenti kur nëna e tij përjetoi nisjen e lindjes “live” ka bërë xhiron e botës.

“Ishte dashuri me shikim të parë,” u shpreh Olivia për momentin kur takoi për herë të parë të birin.

Shqipëria ka nevojë për një goditje të fortë, tektonike nga SHBA që këtu të ketë një efekt konkret.

Deklarata u bë nga gazetari Artan Hoxha në ‘Çim Peka LIVE’ në SYRI TV, ku u diskutua për mesazhin e Ambasadës së SHBA-së, për farsën zgjedhore të 11 majit. Urimi në vitin 2021 ishte faks, ndërsa i tanishmi një telegram që i kanë numëruar dhe shkronjat.

Artan Hoxha: Në këto zgjedhje, i vetmi rivalitet për mua, që kishte interes për tu ndjekur kush ishte? Ishte rivaliteti mes kandidatëve ministra dhe kandidatëve që ishin nga bota e nëndheshme.

Vetëm ata luftuan për të thyer rekordet.

Tre ministrat e fuqishëm që kishin gjithë atë industri elektorale nga mbrapa dhe kjo pjesa tjetër që ka filluar lajme përditë tani, sepse SPAK do të sjellë lajme të pafundme këto kohë

Dega amerikane është prerë, nuk ekziston më. Edhe Edi Rama nuk e përmend më, as në fushatë nuk i përmendi. Shiko vetëm artikulimin e Ramës, për të kuptuar se ka ndodhur një zhvendosje goxha e madhe.

Ajo që ka ndodhur këtu, ka filluar të demaskohet. E thonë mediat ndërkombëtare. Ne na duhet një goditje tektonike më e fortë, për të patur një efekt konkret. Në mënyrë që të shikojmë realisht, ta ndjejmë këtë ndryshim situate dhe këtë erë të re që ka filluar të fryjë nga Oqeani Atlantik drejt gadishullit Ballkanik.

Shqipëria sot kërkon një reagim të drejtpërdrejtë. Kohë nuk ka më, duke i lënë kohë, thjeshtë i le kohë atij se si të përgatisë sistemin për të marrë zgjedhjet lokale.

Nëse nuk reagohet deri në shtator, sa të bëhet qeveria e re, ai i gjen të gjitha mundësitë për të zbutuar, lëshuar, se i ka të gjitha në dorë dhe nuk ka asgjë që e pengon.

Ne sot na intereson fati i Shqipërisë. Shqipëria nuk pret. Puna e Ramës mbase dhe pret, por ne na duhet Shqipëria.

Aktivisti i njohur për të drejtat e komunitetit LGBTQ+, Elton Ilirjani, ka ndarë së fundmi një moment shumë personal me ndjekësit e tij. Përmes një postimi në Instagram Story, ai është shfaqur në një përqafim të ngrohtë me partnerin e tij, i cili mban veshur një bluzë me mbishkrimin “Siguri” ndërsa vet Eltoni shfaqet i buzëqeshur dhe i përqafuar fort pas tij.

Në mbishkrimin e postimit, ai ka zgjedhur të shkruajë: “Çështje bashkëshortore” duke ngjallur menjëherë reagime dhe kuriozitet në rrjet.

Kjo dalje e tij intime vjen në një moment kur Ilirjani është kryefjalë e mediave, pas deklaratave të bujshme mbi jetën personale të artistes Parashqevi Simaku, që kanë nxitur një sërë diskutimesh në publik dhe rrjetet sociale.

Ndryshe nga postimet e zakonshme ku Eltoni përdor ironinë, mesazhet sociale apo aktivizmin e drejtpërdrejtë, këtë herë ai ka zgjedhur një ton më të butë dhe emocional – duke ndarë një copëz nga jeta e tij në çift.

Nëse postimi është thjesht një moment dashurie apo një mesazh më i thellë për dashurinë pa kufij, këtë e lë për ta gjykuar publiku. Një gjë është e sigurt: Eltoni di gjithmonë si të tërheqë vëmendjen.

Reperi i njohur shqiptar, Ferro, është rikthyer në skenën muzikore pas një periudhe të gjatë shkëputjeje, e cila kishte lënë fansat e tij në pritje dhe pa shumë informacion rreth të ardhmes së tij artistike. Në një intervistë të fundit, ai ka zbuluar arsyen e fortë emocionale që e ka shtyrë të rikthehet në muzikë: vajza e tij.

“Jam kthyer vetëm për të,” – ka thënë Ferro me sinqeritet, duke shtuar se prania e vajzës së tij në jetën e përditshme i ka dhënë forcën dhe motivimin që i mungonte për t’u rikthyer në studio.

Pas një periudhe ku u përfol më shumë për jetën e tij personale dhe largimin nga muzika, ky rikthim shënon një kapitull të ri për artistin. Fansat tashmë janë në pritje të projekteve të reja që, sipas burimeve të afërta, do të kenë një ngjyrim më të thellë emocional dhe personal.

Parashqevi Simaku zhvilloi një intervistë për emisionin “Opinion” ku rrëfeu për gazetarin dhe moderatorin Blendi Fevziu gjithçka që ka ndodhur me të gjithë këto vite.

Por tashmë lind një pyetje e rëndësishme: Kur do të vijë Parashqevi Simaku në Shqipëri? Përgjigjen e dha, siç u shpreh edhe gazetari Fevziu, si kavajse, qyteti ku ka lindur.

Blendi Fevziu: Do vish në Shqipëri?

Parashqevi Simaku: Kismet Zotit, ishalla!

Blendi Fevziu: Fiks si kavajse je përgjigjur.

Këngëtarja e madhe, Parashqevi Simaku, ka rrëfyer për herë të parë arsyen pse u largua nga Shqipëria. Në një intervistë për “Opinion”, ajo tregon se fillimisht udhëtoi drejt Italisë, me një pasaportë të blerë.

“Nëna ime më tha, do shkoj të shoh vëllain tim në Itali, që ishte një nga këto refugjatët. Qante gjithmonë, aman tha se ti je shumë e njohur. Me mikeshën time shkova në ambasadë. Ai ambasadori italian më kishte parë gjithmonë në këto mbrëmjet që bënte partia për Krishtlindje dhe më mbante mend. I thashë të lutem…Po ti je Parashqevia, tha! Mos ki merak tha, se do e marr Dash Dervishin në telefon. Do bësh gati guest room, se isha edhe e varfër.

S’kisha asnjë lekë! Dhuratë e kisha, më sollën atë makinën diplomatike. Vjen një burrë e grua nga New York-u, dhe ata donin që të argëtoheshin, të hapnin muzikë në New York. Ishin nga Dibra e Maqedonisë, burrë e grua. Erdhën dhe më blenë një pasaportë. Ishte pasapotë e blerë, kalabreze. Victoria Marini! Unë flisja italisht, dukesha si italiane”, rrëfeu Simaku.

Në 9 mars 1992, mbërriti në New York të Shteteve të Bashkuara.

“U shokova kur erdha. Gjëja e parë thoja është pse është qielli kaq i lartë, në Shqipëri ato retë i kemi si kapele. Më dukej sikur kisha shkuar në një botë tjetër. Shqiptarët këtu më donin shumë.”